گھر پر ماسک بنانا ہو تو کونسا کپڑا سب سے بہترین؟ سائنسدانوں نے مشکل آسان کردی

گھر پر ماسک بنانا ہو تو کونسا کپڑا سب سے بہترین؟ سائنسدانوں نے مشکل آسان کردی
گھر پر ماسک بنانا ہو تو کونسا کپڑا سب سے بہترین؟ سائنسدانوں نے مشکل آسان کردی

  

نئی دہلی(مانیٹرنگ ڈیسک) کورونا وائرس کی وجہ سے فیس ماسک کی قلت ہو چکی ہے، جس کی وجہ سے لوگ گھر پر ہی ماسک بنانے کو ترجیح دے رہے ہیں۔ اب ماہرین نے گھر پر فیس ماسک بنانے کے حوالے سے انتہائی مفید معلومات دے دی ہیں۔ ٹائمز آف انڈیا کے مطابق امریکہ کی یونیورسٹی آف شکاگو کے ماہرین کا کہنا ہے کہ ماسک بنانے لیے کپڑے کا انتخاب سب سے زیادہ اہم ہے کیونکہ کورونا وائرس بظاہر موٹے نظر آنے والے کپڑے سے بھی اندر داخل ہو سکتا ہے۔ اس کے لیے ہماری تحقیق میں ثابت ہوا ہے کہ گہرا بنا ہوا کاٹن کا کپڑا فیس ماسک کے لیے سب سے بہترین ہے۔ اس کے ساتھ پولسٹر سپینڈیکس شیفون (Polyester-spandex-chiffon)کی دو تہیں استعمال کی جائے تو یہ کورونا وائرس کے خلاف این 95ماسک جتنا مو¿ثر ماسک بن جائے گا۔

رپورٹ کے مطابق اس تحقیق میں سائنسدانوں نے 10اقسام کے انتہائی باریک ذرات کو مختلف قسم کے کپڑوں سے گزار کر دیکھا۔ کپڑے کی دوسری طرف انہوں نے ایک پنکھا لگایا جس کی ہوا کی شدت انسانی سانس کے برابر تھی۔ ان میں سے سخت بنائی والے کاٹن کے کپڑے اور پولیسٹر سپینڈیکس شیفون کی دو تہوں نے سب سے زیادہ زرات کو روکا۔ یہ کپڑے 80سے 90فیصد ذرات کو روکنے میں کامیاب ہوئے، کورونا وائرس کے لیے سب سے بہترین کہا جانے والا ماسک این 95بھی اتنا ہی مو¿ثر ثابت ہوتا ہے۔

مزید :

تعلیم و صحت -