پاکستان کی روزانہ  کورونا ٹیسٹ  کرنے کی صلاحیت 30 ہزار ہوگئی

پاکستان کی روزانہ  کورونا ٹیسٹ  کرنے کی صلاحیت 30 ہزار ہوگئی
پاکستان کی روزانہ  کورونا ٹیسٹ  کرنے کی صلاحیت 30 ہزار ہوگئی

  

 اسلام آباد (ڈیلی پاکستان آن لائن) چیئرمین این ڈی ایم اے لیفٹیننٹ جنرل محمد افضل کا کہنا ہے کہ پاکستان کی کورونا کے روزانہ ٹیسٹ کرنے کی صلاحیت 30 ہزار تک ہوگئی ہے۔

چین سے آنے والاطبی امدادی سامان پاکستان پہنچنے پر میڈیا بریفنگ  دیتے ہوئے لیفٹیننٹ جنرل محمد افضل نے بتایا کہ پاکستان کی یومیہ کورونا وائرس کے ٹیسٹ کرنے کی صلاحیت 30 ہزار تک ہوچکی ہے جسے آئندہ چند روز میں 40 ہزار تک لے جایا جائے گا۔

انہوں نے بتایا کہ پی آئی اے کے خصوصی جہاز میں چین سے 18 ٹن طبی امدادی سامان آیا ہے جس میں 152 وینٹی لیٹرز، 20 ایکسرے مشینیں اور 200 تھرمل گنز شامل ہیں۔

خیال رہے کہ اس وقت پاکستان کی کورونا کے یومیہ ساڑھے 6 ہزار کے قریب ٹیسٹ کرنے کی صلاحیت ہے۔ پیر کے روز  پاکستان میں کورونا کے 6 ہزار 391  ٹیسٹ کیے گئے جس کے بعد مجموعی ٹیسٹوں کی تعداد ایک لاکھ 50 ہزار 756 ہوگئی ہے۔

مزید :

قومی -کورونا وائرس -