"عمران نیازی دھرنا دینے کا سوچنا بھی مت"حمزہ شہباز نے وارننگ دے دی

"عمران نیازی دھرنا دینے کا سوچنا بھی مت"حمزہ شہباز نے وارننگ دے دی
سورس: Twitter

  

لاہور(ڈیلی پاکستان آن لائن) منتخب وزیراعلیٰ پنجاب حمزہ شہباز نے کہا ہے کہ عمران نیازی کے جانے کے بعد قوم کو نواز شریف کے پرانے پاکستان میں واپسی مبارک ہو۔عمران نیازی دھرنا دینے کا سوچے بھی مت اور ہمارے صبر کو کمزوری نہ سمجھے۔

لاہور میں ورکرز کنونشن سے خطاب کرتے ہوئے حمزہ شہباز نے کہا  کہ تم نے چار سال تک  شریف خاندان سے بدترین انتقام لیا،عمران نیازی سن لو ہم انتقام  کی سیاست نہیں کریں گے۔ملکی معیشت کو جو  اربوں روپے کا ٹیکہ  لگایا گیا، ظلم کیا گیا، اس ایک ایک ظلم کا حساب لیں گے۔ عمران نیازی کی حکومت میں پاکستانی روپیہ 38 فیصد گِر گیا، یہ ایسا کھلاڑی ہے جس نے عوام کے ساتھ کھلواڑ کیا، نیازی آیا تو گروتھ ریٹ منفی ہوگیا۔

پی ٹی آئی کے  دھرنے سے متعلق حمزہ شہباز نے کہا کہ عمران نیازی سن لو اب دھرنا دینے کا سوچنا بھی مت، بنی گالہ میں ہی بیٹھے رہنا، آپ نےپہلے بھی 126 دن عوام کا وقت ضائع کیا، باز آجاؤ، ہمارے صبر کو کمزوری مت سمجھنا۔عمران خان تم سازشی ہو، تم نے پاکستانی قوم سے سازش کی ہے اب اقتدار جانے پر آنسو نہ بہاؤ۔

مزید :

قومی -علاقائی -پنجاب -لاہور -