"عمران خان کی ایما پر فوج، عدلیہ اور الیکشن کمیشن کیخلاف مہم چل رہی ہے" وزیردفاع کادعویٰ
اسلام آباد(ڈیلی پاکستان آ ن لائن)وزیردفاع خواجہ آصف نے دعویٰ کیا ہے کہ عمران خان کی ایما پر فوج، عدلیہ اور الیکشن کمیشن کیخلاف مہم چل رہی ہے۔
اپنے ایک ٹویٹ میں انہوں نے کہا کہ "فوج، عدلیہ اور الیکشن کمیشن کیخلاف سوشل میڈیا پر گالیوں اور زہریلی مہم عمران کی ایما اور سرپرستی میں چلائی جا رہی ہے۔ریاستی آئینی ادارے عمران خان کے مفادات کا تحفظ اور اس کی ذات کے تابع ہوں تو سب اچھا ہے ورنہ گالیاں اور بد زبانی۔"
فوج، عدلیہ اور الیکشن کمیشن کیخلاف سوشل میڈیا پہ گالیوں اور زہریلی مہم عمران کی ایما اور سرپرستی میں چلائ جا رہی ھے. ریاستی آئینی ادارے عمران خان کا مفادات کا تحفظ اور اسکی ذات کے تابع ھوں تو سب اچھا ھے ورنہ گالیاں اور بد زبانی.. https://t.co/3e7AHkuDcO
— Khawaja M. Asif (@KhawajaMAsif) April 27, 2022
اپنے ایک اور ٹویٹ میں انہوں نے سابق وزیراعظم عمران کی اہلیہ کی دوست فرح خان اور جامعہ کراچی خود کش حملے میں ملوث خاتون کی تصویر شیئر کرتے ہوئے لکھا کہ "جب تک بنیادی تضادات ختم نہیں ہو نگے پاکستان ان انتہاؤں میں خدانخواستہ منتشر نہ ہو جائے گا۔مندرجہ ذیل ٹویٹ میں ایک خاتون سیاسی وحکومتی سرپرستی میں ارب پتی بن گئی اورایک تعلیم یافتہ خاتون سیاسی وحکومتی بے حسی کے سبب خود کش دہشت گرد بن گئی"۔
جب تک بنیادی تضادات ختم نہیں ھو نگے پاکستان ان انتہاؤں میں خدانخواستہ منتشر نہ ھو جاۓ. مندرجہ ذیل ٹویٹ میں ایک خاتون سیاسی وحکومتی سرپرستی میں ارب پتی بن گئ اورایک تعلیم یافتہ خاتون سیاسی وحکومتی بے حسی کے سبب خود کش دہشت گرد بن گئ.. https://t.co/QigRRIyGtS
— Khawaja M. Asif (@KhawajaMAsif) April 27, 2022