وفاقی وزیر خزانہ مفتاح اسماعیل سے امریکی ناظم الامور انجیلا ایگلر کی ملاقات

وفاقی وزیر خزانہ مفتاح اسماعیل سے امریکی ناظم الامور انجیلا ایگلر کی ملاقات
وفاقی وزیر خزانہ مفتاح اسماعیل سے امریکی ناظم الامور انجیلا ایگلر کی ملاقات

  

اسلام آباد(ڈیلی پاکستان آن لائن) وفاقی وزیر خزانہ مفتاح اسماعیل سے امریکی ناظم الامور انجیلا ایگلر نے ملاقات کی ہے۔

 اعلامیے کے مطابق امریکی ناظم الامورانجیلا ایگلر  نے وزیر خزانہ کو عہدہ سنبھالنے پر مبارک باد دی اور نئی حکومت کو امریکی حکومت اور عوام کی مکمل حمایت کی یقین دہانی کرواتے ہوئے کہا کہ دونوں ممالک کے مابین اچھے تعلقات ہیں، دو طرفہ اقتصادی تعلقات کو مزید فروغ دینے کی حمایت کرتے ہیں۔ اس موقع پر  وزیرخزانہ  مفتاح اسماعیل نے نئی حکومت کے معاشی ایجنڈے اور پالیسیوں پر روشنی ڈالتے ہوئے کہا کہ پاکستان اور  امریکہ کے درمیان  طویل المدتی، وسیع البنیاد اور کثیر الجہتی تعلقات ہیں، ان پالیسیوں کے ذریعے ہم معاشی اور مالیاتی استحکام لانے کی کوشش کریں گے۔امریکی سرمایہ کاری کو راغب کرنا حکومت کی اولین ترجیح ہے۔ملاقات میں سیکریٹری خزانہ اور سینئر افسران نے بھی شرکت کی۔

مزید :

قومی -