شریف فیملی کیخلاف ریفرنسز ، ٹرائل میں توسیع سے متعلق سماعت آج ہوگی
اسلام آباد(این این آئی)سپریم کورٹ آف کے چیف جسٹس ثاقب نثار کی سربراہی میں تین رکنی بینچ آج پیر کو شریف فیملی کیخلاف نیب ریفرنسز میں توسیع کے حوالے سے سماعت کریگا ۔تفصیلات کے مطابق سابق وزیراعظم نواز شریف اور ان کے اہل خانہ کیخلاف ریفرنسز کی سماعت کرنیوالی احتساب عدالت کی ڈیڈ لائن ختم ہو گئی۔ذرائع کے مطابق احتسا ب عدالت کے جج ارشد ملک نے ریفرنسز نمٹانے کی ڈیڈ لائن میں توسیع کیلئے سپریم کورٹ کو خط لکھا ۔خط میں لکھا گیا کہ العزیزیہ اسٹیل ملز اور فلیگ شپ ریفرنسز کا ٹرائل مکمل کرنے کیلئے توسیع دی جائے۔چیف جسٹس ثاقب نثار کی سربراہی میں تین رکنی بنچ 27 اگست کو ریفرنسز کی مدت میں توسیع کے حوالے سے سماعت کریگا۔خیال رہے احتساب عدالت میں نواز شریف کیخلاف تین ریفرنسز دائر ہیں جبکہ مریم نواز، کیپٹن (ر)صفدر اور اسحاق ڈار کیخلاف ایک، ایک ریفرنس زیر سماعت ہے ،سپریم کورٹ نے ریفرنسز مکمل کرنے کیلئے احتساب عدالت کو چھ ماہ کی ڈیڈ لائن دی تھی ٗاحتساب عدالت نمبر ایک کے جج 4 مرتبہ ریفرنسز کی مدت میں توسیع حاصل کر چکے ہیں ٗانہوں نے مارچ میں دو ماہ، مئی میں ایک ماہ کی ڈیڈ لائن میں توسیع دی گئی تھی ٗریفرنسز کی سماعت کے لیے جون میں ایک ماہ اور جولائی میں 6 ہفتوں کی توسیع کی تھی۔سپریم کورٹ نے آخری بار 10 جولائی کو احتساب عدالت کی ڈیڈ لائن میں 6 ہفتوں کی توسیع کی تھی۔
نیب ریفرنسز
