وزیر اعظم اقوام متحدہ جنرل اسمبلی اجلاس میں شرکت نہیں کرینگے ، افتخار درانی

وزیر اعظم اقوام متحدہ جنرل اسمبلی اجلاس میں شرکت نہیں کرینگے ، افتخار درانی

  

اسلام آباد( آن لائن)وزیر اعظم کے معاون خصوصی برائے میڈیا افتخار درانی نے کہا ہے کہ وزیر اعظم عمران خان اقوام متحدہ کی جنرل اسمبلی کے اجلاس میں شرکت کرنے نہیں جارہے کیونکہ ان کا خیال ہے کہ ایک قوم جو دنیا سے پیسے مانگ رہی ہے اس کا وزیر اعظم ملک سے باہر جا کر کیا بتائے گا ؟نجی ٹی وی کے پروگرام میں گفتگو کرتے ہوئے افتخار درانی نے کہا کہ آرٹی ایس کے بیٹھنے کی تحقیقات کرنے کی ضرورت ہے۔ چیئر مین نادراء4 کو ہٹانے کیلئے ایک باقاعدہ عمل ہے جو شروع کیا جائیگا ہے اوراس کے بعد دیکھیں گے کہ آگے کیا کرنا ہے ؟ انہوں نے کہا کہ ہماری پٹیشن پر اوور سیز پاکستانیوں کو ووٹ کا حق دیا گیاہے۔ تحریک انصاف کا سب سے بڑا ماٹو تھا کہ شفاف اور غیر جانبدار الیکشن ہونا چاہئے۔انہوں نے کہاکہ موجودہ حکومت کا میڈیا کے ساتھ تعلق بہت اچھا ہوگا اور اب ہم میڈیا کے لئے قومی اسمبلی میں بل لا رہے ہیں اور ہم چاہتے ہیں کہ میڈیا ہمارا احتساب کرے۔ وزیر اعظم اس وقت قوم کو اعتماد دلا رہے ہیں اوروہ چاہتے ہیں کہ نظام حکومت کوشفاف بنایا جا سکے۔ انہوں نے بتایا کہ عمران خان اس لئے اقوام متحدہ کی جنرل اسمبلی میں شرکت کیلئے نہیں جارہے کیونکہ وہ کہتے ہیں کہ ایک قوم جو دنیا سے پیسے مانگ رہی ہے اس کا وزیر اعظم ملک سے باہر جاکر دنیا کو کیا بتائے گا؟ انہوں نے کہا کہ عمران خان پہلے اپنا گھر ٹھیک کرنا چاہتے ہیں۔

مزید :

صفحہ اول -