آر ٹی ایس ناکامی ،رحمن ملک کی وزیر اعظم سے ٹیکنیکل کمیٹی بنانے کی سفارش

آر ٹی ایس ناکامی ،رحمن ملک کی وزیر اعظم سے ٹیکنیکل کمیٹی بنانے کی سفارش

  

اسلام آباد(سٹاف رپورٹر) چیئرمین سینیٹ قائمہ کمیٹی برائے داخلہ رحمان ملک نے وزیراعظم عمران خان سے الیکشن کے روز الیکشن کمیشن کے رزلٹ مینجمنٹ سسٹم (آر ٹی ایس) کی ناکامی پر ٹیکنیکل کمیٹی بنانے کی درخواست کی ہے۔ رحمان ملک کی جانب سے وزیراعظم کو خط لکھا گیا جس میں کہا گیا ہے داخلہ کمیٹی کو سینیٹ نے الیکشن کی نگرانی کی ذمہ داری سونپی تھی اور بطور وزیراعظم عمران خان کمیٹی سے تعاون کے پا بند ہیں۔خط میں چیئرمین داخلہ کمیٹی رحمان ملک نے کہا ہے کمیٹی نے الیکشن کمیشن کو آر ٹی ایس کی ناکامی کی وجوہات کا پتہ چلانے کو خط لکھا تھا، آرٹی ایس کی ناکامی کی وجوہات معلوم کرنا اور ذمہ داروں کا تعین ازحد ضروری ہے۔ قومی مفادمیں ہے آر ٹی ایس کی ناکامی کی مکمل تفتیش کی جائے اور کیبینٹ ڈویژن کو ٹیکنیکل کمیٹی بنانے کی فوری ہدایات جاری کی جائیں۔یاد رہے تحریک انصاف نے بھی الیکشن کے روز آر ٹی ایس سسٹم بیٹھ جانے کی تحقیقات کیلئے اعظم سواتی اور دیگر پر مشتمل کمیٹی قائم کی تھی جس نے اپنی تحقیقات مکمل کرلیں۔ذرائع کا کہنا ہے پی ٹی آئی کی تحقیقاتی کمیٹی نے آر ٹی ایس سسٹم کی ناکامی کا ذمہ دار نادرا کو ٹھہرا دیا اور اس کی ناکامی میں ملوث افراد کیخلاف کارروائی کی بھی سفارش کی ہے۔

رحمن ملک درخواست

مزید :

صفحہ اول -