امید ہے پیپلز پارٹی اپوزیشن کے ووٹ تقسیم ہونے سے بچائےگی،احسن اقبال

امید ہے پیپلز پارٹی اپوزیشن کے ووٹ تقسیم ہونے سے بچائےگی،احسن اقبال
امید ہے پیپلز پارٹی اپوزیشن کے ووٹ تقسیم ہونے سے بچائےگی،احسن اقبال

  

اسلام آباد(ڈیلی پاکستان آن لائن)مسلم لیگ (ن) کے رہنما احسن اقبال نے کہا کہ مشترکہ صدارتی امیدوار کےلئے پیپلزپارٹی سے معاملات طے نہیں ہوپائے، رات گئے تک بھی مشترکا امیدوار کےلئے کوشش کی، امید کرتا ہوں پیپلز پارٹی اپوزیشن کے ووٹ تقسیم ہونے سے بچائےگی،

اسلام آبادہائیکورٹ کے باہر صدارتی امیدوار کے کاغذات نامزدگی جمع کرانے کے بعد میڈیا سے گفتگو کرتے ہوئے احسن اقبال نے کہا کہ پیپلز پارٹی نے پہلے کہا تھا تین امیدواروں کا پینل دیں گے، انہوں نے پینل کا نام نہیں دیا بلکہ اعتراز احسن پرہی اڑے رہے۔

جبکہ میر حاصل بزنجو نے کہا کہ مضبوط اپوزیشن کےلئے ہم سب مل بیٹھے تھے، پہلا مرحلہ آیا تو فیصلہ ہوا کہ وزیراعظم کا امیدوار(ن) لیگ کا ہوگا، فیصلہ ہوا تھا کہ وزیراعظم کا امیدوار (ن) لیگ، اسپیکر پیپلزپارٹی اور ڈپٹی ایم ایم اےسے ہوگا۔

ان کا کہنا تھا وزیراعظم کےلئے شہباز شریف کا نام بھی پیپلز پارٹی نے دیا تھا، شہباز شریف نے کہا تھا کہ اگر چیئرمین سینیٹ لینا چاہتے ہیں تو تیار ہیں کیونکہ ہمارا مقصد الائنس رکھنا ہے لیکن پیپلزپارٹی نے جس طرح بیک آو¿ٹ کیا اس سے اتحاد کو دھچکا لگا۔

انہوں نے مزید کہا کہ ہم اب بھی کوشش کریں گے کہ پیپلزپارٹی کی منتیں کریں، مولانا فضل الرحمان سے کہیں گے کہ وہ آصف زرداری کو راضی کرنے کی کوشش کریں۔

جے یو آئی (ف) کے مولانا عبدالغفور حیدری کا کہنا تھا کہ مسلسل رابطوں کے باوجود پیپلزپارٹی اب تک اس اتحاد کا حصہ نہیں بنی، پیپلزپارٹی کے پاس جائیں گے اور درخواست کریں گے کہ وہ اپوزیشن کی تقسیم کا سبب نہ بنے، ہم جیتنے کی پوزیشن میں ہیں بشرط پیپلزپارٹی ساتھ دے۔

عوامی نیشنل پارٹی کے زاہد خان نے صدارتی امیدوار کےلئے اعتزاز احسن کی بجائے مولانا فضل الرحمان کی حمایت کا اعلان کیا۔

مزید :

قومی -علاقائی -اسلام آباد -