سندھ ہائیکورٹ نے بلدیاتی انتخابات سے متعلق الیکشن کمیشن سے جواب طلب کر لیا

سندھ ہائیکورٹ نے بلدیاتی انتخابات سے متعلق الیکشن کمیشن سے جواب طلب کر لیا

  

 کراچی(آئی این پی) سندھ ہائیکورٹ نے صوبے میں بلدیاتی انتخابات سے متعلق الیکشن کمیشن سے جواب طلب کرلیا۔ سندھ میں جلد بلدیاتی انتخابات کرانے سے متعلق سندھ ہائیکورٹ میں درخواست کی سماعت ہوئی جس میں عدالت نے وفاقی اور صوبائی الیکشن کمیشن سے تحریری جواب طلب کرلیا۔ نمائندہ الیکشن کمیشن نے عدالت کو بتایا کہ 30 اگست کو چار سال مکمل ہو جائیں گے جس کے بعد 120 دنوں میں انتخابات کروائے جائیں گے۔ نمائندہ الیکشن کمیشن کے جواب پر عدالت نے حکم دیا کہ انتخابات کرانے ہیں یا نہیں، جواب جمع کرائیں، یہ جو زبانی بیان دے رہے ہیں یہ تحریری شکل میں لکھ کر دیں۔ بعد ازاں عدالت نے درخواست کی مزید سماعت 8 ستمبر تک ملتوی کردی۔

الیکشن کمیشن 

مزید :

صفحہ آخر -