سٹیٹ بینک کی زرمبادلہ کے ذخائر بڑھانیکی نئی حکمت عملی

سٹیٹ بینک کی زرمبادلہ کے ذخائر بڑھانیکی نئی حکمت عملی

  

کراچی (اکنامک رپورٹر)اسٹیٹ بینک آف پاکستان نے زرمبادلہ کے ذخائر بڑھانے کے لیے نئی حکمت عملی اختیار کرلی ہے۔گورنر اسٹیٹ بینک رضا باقر نے کہاہے کہ بیرون ملک مقیم پاکستانی آئندہ ہفتے سے ڈیجیٹل اکاؤنٹ کھول سکیں گے،اس ڈیجیٹل اکاؤنٹ سے  وہ پاکستان اسٹاک مارکیٹ اور حکومتی تمسکات میں سرمایہ کاری کرسکیں گے۔ایک خصوصی انٹرویومیں گورنر اسٹیٹ بینک ڈاکٹرباقر رضانے کہا کہ ڈیجیٹل اکاؤنٹ سے بنیادی بینکنگ کی سہولیات حاصل کی جاسکیں گی، 8 مقامی بینک ڈیجیٹل اکاؤنٹ کی سہولت فراہم کریں گے۔رضا باقر نے کہا کہ روشن ڈیجیٹل اکاؤنٹ اسی سہولت کا نام ہوگا، یہ اکاؤنٹ ڈالر اور پاکستانی روپے میں کھولے جاسکیں گے۔انہوں نے بتایاکہ تارکین وطن کے لیے قرض سرٹیفکیٹ سہولت چند ہفتوں میں شروع کررہے ہیں، یہ ڈیٹ سرٹیفکیٹس 5 دورانیے کے لیے ہوں گے۔گورنر اسٹیٹ نے کہا کہ ڈالر سرٹیفکیٹ پر شرح منافع 5 سے 7 فیصد اور روپے سرٹیفکیٹ پر منافع 9 سے 11 فیصد ہوگا۔رضا باقر نے واضح کیا کہ شرح سود کا فیصلہ مانیٹری پالیسی کمیٹی کا اختیار ہے۔

مزید :

صفحہ آخر -