میں جگنوؤں کی طرح رات بھر کا چاند ہُوئی
میں جگنوؤں کی طرح رات بھر کا چاند ہُوئی
ذرا سی دُھوپ نکل آئی اور ماند ہُوئی
حدودِ رقص سے آگے نکل گئی تھی کبھی
سو مورنی کی طرح عمر بھر کو راند ہوئی
مہِ تمام ! ابھی چھت پہ کون آیا تھا
کہ جس کے آگے تری روشنی بھی ماند ہوئی
ٹکے کا چارہ نہ گیّا کو زندگی میں دیا
جو مر گئی ہے تو سونے کے مول ناند ہوئی
نہ پُوچھ ، کیوں اُسے جنگل کی رات اچھی لگی
وہ لڑکی تھی جو کبھی تیرے گھر کا چاند ہوئی
شاعرہ: پروین شاکر
Main Jugnuon Ki Trah Raat Bhar Ka Chaand Hui
Zara Si Dhoop Nikal Aaee Aor Maand Hui
Hudoor e Raqs Say Aagay Nikal Gai Thi Kabhi
So Morni Ki Trah Umr bhar Ko Raand Hui
Mah Tamaam, Abhi Chat Oe Kon Aaya Tha
Keh Jiss K Aagay Tiri Roshni Bhi Maand Hui
Takay Ka Chaand Na Gayyan Ko Zindagi Men Dia
Jo Mar Gai Hay To Sonay K Mool Naand Hui
Na Pooch Kiun Usay Jangal Ki Raat Achi Lagi
Wo larrki Jo Keh Kabhi Teray Ghar Ka Chaand Hui
Poetess: Parveen Shakir