”اگر کسی نے گھر میں یہ سب کچھ رکھا ہوا ہے تو ہمیں بتانے کا یہ بالکل صحیح وقت ہے“ کراچی کی صورتحال پر شنیرا اکرم بھی میدان میں آ گئیں

”اگر کسی نے گھر میں یہ سب کچھ رکھا ہوا ہے تو ہمیں بتانے کا یہ بالکل صحیح وقت ...
”اگر کسی نے گھر میں یہ سب کچھ رکھا ہوا ہے تو ہمیں بتانے کا یہ بالکل صحیح وقت ہے“ کراچی کی صورتحال پر شنیرا اکرم بھی میدان میں آ گئیں

  

کراچی (ڈیلی پاکستان آن لائن) شہر قائد میں موسلا دھار بارش کے بعد پانی کے ریلوں نے شہر کا حلیہ بدل دیا اور پانی کا بہاؤ اپنے ساتھ کنٹینر،کار، بسیں سب کھلونوں کی طرح بہا لے گیا، ایسے میں مایہ ناز سابق کپتان وسیم اکرم کی اہلیہ شنیرا اکرم بھی میدان میں آ گئی ہیں۔ 

شنیرا اکرم نے سماجی رابطوں کی ویب سائٹ ٹوئٹر پر جاری پیغام میں لکھا ”اگر کسی نے اپنے گھر میں مگرمچھ، پیراناز (گوشت خور مچھلیاں) یا شارک بطور پالتو رکھی ہوئی ہیں تو یہ ہمیں بتانے کا صحیح وقت ہے!“ شنیرا اکرم نے اپنی ٹویٹ میں ’پریشان ہونے کیلئے مزید معاملات، کراچی ڈوب گیا اور کراچی کو بچاﺅ کے ہیش ٹیگز بھی استعمال کئے۔“ 

واضح رہے کہ کراچی میں موسلا دھار بارش کے بعد پانی کے ریلوں نے شہر کا حلیہ بدل دیا، پانی کا بہاؤ اپنے ساتھ کنٹینر،کار، بسیں سب کھلونوں کی طرح بہا لے گیا۔ شہر کے ساتوں انڈر پاس میں پانی ہی پانی ہے جس کے بعد انہیں ٹریفک کیلئے بند کر دیا گیا ہے۔

شارع فیصل پر نرسری کے قریب یونیورسٹی کی بس پانی میں پھنس گئی، مسافر کود کر کناروں تک پہنچے، ایم اے جناح روڈ پر سیکیورٹی کیلئے رکھے گئے کنٹنیرزبھی بہہ گئے۔ آئی آئی چندری گر روڈ بھی تالاب بن گئی، سندھ ہائی کورٹ اور پاسپورٹ آفس کے قریب سڑکوں پر گھٹنوں گھٹنوں پانی،گاڑیاں خراب ہوگئیں، لوگ کمر تک پانی میں منزل کی تلاش میں خوار ہوگئے۔

مزید :

کھیل -علاقائی -سندھ -کراچی -