لاہور (ڈیلی پاکستان آن لائن) وفاقی وزیر دفاع خواجہ آصف نے پنجاب میں بلدیاتی اداروں کو بحال کرنے کا مطالبہ کردیا۔
سماء سے خصوصی گفتگو کرتے ہوئے وزیر دفاع خواجہ آصف کا کہنا تھا کہ سیالکوٹ میں پچاس سال بعد ریکارڈ بارش ہوئی جبکہ نالوں پر تجاوزات کی وجہ سے حالات خراب ہوئے ہیں۔ایسی صورتحال سے بچنے کے لیے بلدیاتی اداروں کو بحال کرنا ہوگا۔شہروں کے مسائل شہری نمائندے ہی حل کر سکتے ہیں۔
خواجہ آصف نے نالہ ایک کا ہنگامی دورہ بھی کیا، پانی کے بہاؤ اور خطرات کا جائزہ لیا۔نشیبی علاقوں میں نکاسی آب کے نظام کا مشاہدہ کیا۔