گزشتہ تین سالوں میں ادویات کی قیمت میں کتنے فیصد اضافہ ہوا؟ حکومت کا تہلکہ خیز اعتراف 

گزشتہ تین سالوں میں ادویات کی قیمت میں کتنے فیصد اضافہ ہوا؟ حکومت کا تہلکہ ...
گزشتہ تین سالوں میں ادویات کی قیمت میں کتنے فیصد اضافہ ہوا؟ حکومت کا تہلکہ خیز اعتراف 

  

اسلام آباد(ڈیلی پاکستان آن لائن) وفاقی وزارت قومی صحت نے اعتراف کیا کہ گزشتہ تین سالوں کے دوران تسلسل کے ساتھ ادویات کی قیمتوں میں اضافہ ہوا ہے۔

 وفاقی وزارت قومی صحت کی جانب سے قومی اسمبلی میں پیش کردہ تحریری جواب میں اعتراف کیا کہ 2018 میں ادویات کی قیمتوں میں 2.7 سے 3.9 فیصد اضافہ ہوا، 2019 میں ادویات 7 سے 10 فیصد تک مہنگی ہوئیں جبکہ2020 میں ادویات کی قیمتوں میں 5.1 سے 7.3 فیصد اضافہ ہوا۔

وفاقی وزارت قومی صحت کے مطابق ادویات کی قیمتوں میں اضافہ کنزیومر پرائس انڈیکس کے تحت کیا گیا۔وزارت قومی صحت نے تحریری جواب کے ذریعے قومی اسمبلی کو آگاہ کیا کہ کورونا کے علاج کے لیے درکار انجکشن کی قیمت میں تین مرتبہ کمی ہوئی ہے،22 اکتوبر 2020 انجکشن کی قیمت 9244 روپے تھی، 7 دسمبر 2020 کو قیمت کم ہو کر 5680 روپے ہو گئی اور 22 ستمبر 2021 کو انجکشن کی قیمت 3967.34 روپے ہو گئی۔

مزید :

قومی -