افغانستان کرکٹ ٹیم کی ورلڈ کپ میں پہلی شاندارکامیابی

افغانستان کرکٹ ٹیم کی ورلڈ کپ میں پہلی شاندارکامیابی
افغانستان کرکٹ ٹیم کی ورلڈ کپ میں پہلی شاندارکامیابی

  


سکاٹ لینڈ اور افغانستان کرکٹ ٹیموں کے درمیان کھیلے جانے والے میچ میں یہ کہنا مشکل تھا کہ کون سی ٹیم کامیابی حاصل کرے گی اس کی وجہ دونوں ٹیموں کا ہم پلہ تصور کئے جانا تھا اور ایسا ہی ہوا دونوں ٹیموں کے درمیان کانٹے دار مقابلہ ہوا اور بالآخر پہلی مرتبہ ورلڈ کپ کھیلنے والی افغانستان کی ٹیم نے سکاٹ لینڈ کی ٹیم کو شکست سے دوچار کرتے ہوئے تاریخی کامیابی اپنے نام کرلی اس میچ میں افغانستان کی جانب سے بیٹسمین شینواری نے بہترین بیٹنگ کا مظاہرہ کیا ایک وقت ایسا لگ رہا تھا کہ افغانستان کی ٹیم ہدف حاصل کرنے میں ناکام ثابت ہوگی لیکن اس موقع پر شینواری نے جس ذمہ داری کے ساتھ بیٹنگ کی اور اپنی ٹیم کو سہارا دیا اس کی جتنی بھی تعریف کی جائے کم ہے اس کامیابی پر افغاستان کی ٹیم کے حوصلے بلند ہوئے ہیں بلاشبہ افغانستان کی کرکٹ ٹیم نے اس تک کھیلے گئے اپنے میچوں میں بہت عمدہ پرفارمنس کا مظاہرہ کیا اس کامیابی کے بعد اب لگتا ہے کہ وہ اپنے اگلے میچوں میں بھی کامیابی حاصل کرلے گا سکاٹ لینڈ کی جانب سے عمدہ باؤلنگ کا مظاہرہ کیا گیا سکاٹش باؤلرز نے افغانی بیٹسمینوں کو ایک کم سکور تک محدود کردیا تھا افغانستان کرکٹ ٹیم کی اس کامیابی کو کرکٹ کی تاریخ میں ہمیشہ یاد رکھا جائے گا اور ان کے لئے تو یہ کامیابی یقینی طور پر ایک بہت بڑی کامیابی ہے جس کو وہ کبھی فراموش نہیں کرسکتے دوسری جانب سری لنکا کی ٹیم نے بنگلہ دیش کے خلاف بڑے مارجن سے کامیابی حاصل کرلی اس میچ میں سری لنکا کی ٹیم کو ہی فیورٹ قرار دیا جارہا تھا سری لنکا کے ابتدائی بیٹسمینوں نے جس طرح کھیل پیش کیا وہ قابل تعریف ہے اور انہوں نے بنگلہ دیشی باؤلرز کو پریشان کئے رکھا دلشان اور سنگاکارا کی بیٹنگ کی جتنی بھی تعریف کی جائے کم ہے دونوں نے جارحانہ کھیل کا مظاہرہ کیا اس کے مقابلے میں بنگلہ دیش کی ٹیم وہ کارکردگی نہیں دکھا سکی جس کی اس سے امید کی جارہی تھی سری لنکا کی ٹیم نے دوسری کامیابی اپنے نام کی ہے اس سے قبل اس نے سکاٹ لینڈ کی ٹیم کو شکست سے دوچار کیا تھا بنگلہ دیش کی ٹیم ایک میچ جیت چکی ہے جبکہ اس کا ایک میچ بارش کی وجہ سے آسٹریلیا سے برابر ہوگیا تھا آج سری لنکا اور افغانستان کی کرکٹ ٹیموں نے بہترین کھیل کا مظاہرہ کیا اور کامیابی اپنے نام کی ۔

مزید : کالم