ٹی 20 ورلڈ کپ: بھارتی وزیر کی پاک بھارت میچ روکنے کی دھمکی

ٹی 20 ورلڈ کپ: بھارتی وزیر کی پاک بھارت میچ روکنے کی دھمکی
ٹی 20 ورلڈ کپ: بھارتی وزیر کی پاک بھارت میچ روکنے کی دھمکی

  

دھرم شالا (آن لائن) شائقین کرکٹ کو ٹی 20 ورلڈ کپ میں روایتی حریف پاکستان اور بھارت کے درمیان میچ کا بے تابی سے انتظار ہے لیکن بھارتی سیاستدانوں نے رنگ میں بھنگ ڈالنے کی ٹھان لی۔ بھارتی میڈیا کے مطابق ٹی 20 اورلڈکپ میں دونوں ٹیمیں ہماچل پردیش کے شہر دھرم شالا کرکٹ سٹیڈیم میں مد مقابل ہوں گی لیکن ایونٹ سے قبل ہی دنیائے کرکٹ کے سب سے بڑے ٹاکرے کی مخالفت ہونے لگی ہے۔ ریاستی وزیر جی ایس بالی نے بھارتی کرکٹ بورڈ کو الٹی میٹم دیا ہے کہ وہ یا تو پاک بھارت میچ کو منسوخ کردیں یا اسے کسی اور شہر منتقل کریں بصورت دیگر شدید احتجاج کیا جائے گا۔

وزیر جی ایس بالی نے میچ کی منسوخی یا اسے کسی اور شہر میں منتقل کرنے کا جواز پیش کرتے ہوئے کہا کہ پٹھان کوٹ حملے میں ہلاک ہونے والے 2 فوجیوں کا تعلق دھرم شالا سے تھا اس لئے یہاں پاک بھارت ٹاکرا برداشت نہیں کرسکتے اور اگر بی سی سی آئی نے پاک بھارت میچ کے حوالے سے جلد کوئی فیصلہ نہ کیا تو میچ کو روکنے کے لئے حکمت عملی کا اعلان کریں گے۔ دوسری جانب ریاست کے وزیراعلیٰ ویربہادرا سنگھ بھی پاک بھارت میچ کی منسوخی کے حامی ہیں جن کا کہنا تھا کہ دھرم شالا میں پاک بھارت میچ کا انعقاد غلط فیصلہ ہے تاہم بھرپور مخالف کے باوجود بی سی سی آئی کے سیکرٹری انوراگ ٹھاکر نے واضح کردیا ہے کہ 19 مارچ کو ہونے والا میچ شیڈول کے مطابق ہوگا۔

مزید :

ورلڈ T20 -