تخلیق و جدت پر مبنی ڈیجیٹل انقلاب ٹیلی کا م کمپنیوں کیلئے نا گزیر ‘ سی ای او زونگ

تخلیق و جدت پر مبنی ڈیجیٹل انقلاب ٹیلی کا م کمپنیوں کیلئے نا گزیر ‘ سی ای او ...

  

لاہور(پ ر) بارسلونا میں جاری موبائل ورلڈ کانگرس فورم 2019کے دوران ZONG 4G کے سی ای او ، Wang Hu نے ٹیلی کام صنعت کے ممتاز ترین ماہرین اور قائدین سے"ڈیجیٹل انقلاب میں تیزی " کے موضوع پر خطاب کیا۔فورم سے خطاب کرتے ہوئے انہوں نے کہا کہ " ڈیجیٹل انقلاب اب ایک آسائش نہیں بلکہ زندگی کی بنیادی اکائی بن چکا ہے" خودکار نظام عمل کی دستیابی اور باریک ترین نکات کو مد نظررکھتے ہوئے خدمات کی فراہمی کسی بھی ٹیلی کام کمپنی کی بر تری کے لئے ایک ناگزیر امر ہے۔ صارفین اور کارپوریشنز مشترکہ طور پرڈیجیٹل طرز حیات کی جانب بڑھ رہے ہیں اور ایک متحرک ڈیجیٹل ماحولیاتی نظام تشکیل دے رہے ہیں ۔ ہر شعبہ زندگی میں ڈیجیٹلا ئزیشن کے حاوی ہونے سے مواصلاتی صنعت کا بنیاد ی DNA ہی یکسر تبدیل ہو گیا ہے۔ موبائل نیٹ ورک آپریٹرز کے لئے ہر شعبہ کاروبارمیں چاہے وہ کاروباری امور ہوں ، نیٹ ورک کے معاملات ہوں یا اس سے جڑے دیگر اداروں کی تبدیلی کا عمل ہو ،ڈیجیٹل ارتقاء اشد ضروری ہے ۔"سادہ زبان میں کاروبار ی جدت سے مراد صارف کی ضرورت کے مطابق خدمات کی تخلیق اور اس کی تیز تر فراہمی ہے۔ عملی جدت سے مراد اخراجا ت پر کنٹرول اور امور کی انجام دہی کی استعداد کارمیں اضافہ ہے۔ نیٹ ورک کی جدت سے مراد ایک Cloud based اور سافٹ وئیر پر مبنی ایک ایسے نیٹ ورک کی تخلیق ہے جس میں کاروباری تقاضوں کے مطابق تبدیلی کرنازیادہ آسان اور کم وقت طلب ہو۔

Wang Hu" نے کہا۔

اس بصیرت افروزی کی بدولت کمپنی مزید قابل عمل اور متعین شدہ 4Gکی تعمیر کی طرف توجہ دے رہی ہے، کمپنی کا ہدف نظام میں خودکار ی اور ہم آہنگی لانا ، ٹیکنالوجی میں جدت اور تخلیق اور بطور پاکستان کے نمبر ون ڈیٹا نیٹ ورک اپنی حیثیت قائم رکھنا شامل ہے۔ پاکستان کے وسیع ترین اور سب سے زیادہ رسائی رکھنے والے نیٹ ورک کی بدولت ZONG 4G ملک ڈیجیٹل انقلاب کے ایک تقلیدی منصب پر فائز ہے۔

مزید :

کامرس -