عمراکمل کی اپیل پر عالمی عدالت کے فیصلے کے بعد ان کے بھائی اور وکٹ کیپر و بلے باز کامران اکمل کا موقف بھی آگیا
لاہور (ویب ڈیسک) عمر اکمل کی سزا سے متعلق عالمی عدالت کا فیصلہ آنے کے بعد قومی کرکٹ ٹیم کے وکٹ کیپر و بیٹسمین کامران اکمل کہتے ہیں کہ وہ عمر اکمل کو جلد فیلڈ میں کھیلتا دیکھنے کے منتظر ہیں۔سماجی رابطے کی ویب سائٹ ٹوئٹر پر کامران اکمل نے اپنے چھوٹے بھائی عمر اکمل کے ہمراہ یادگار تصویر شیئر کی۔
Alhamdulliah for everything @Umar96Akmal waiting to see you on the fields again InshAllah Wish you all the very best???????????????????????? pic.twitter.com/L11vAwsFF4
— Kamran Akmal (@KamiAkmal23) February 26, 2021
مذکورہ تصویر میں کامران اکمل اور عمر اکمل ہاتھ میں بلّا لیے ایک دوسرے کی طرف دیکھ رہے ہیں جبکہ یہ دونوں کھلاڑی کرکٹ گراؤنڈ میں موجود ہیں اور ساتھ ہی کامران اکمل نے لکھا کہ ’ہر ایک چیز کے لیے الحمدلِلّٰہ۔‘عمر اکمل سے مخاطب ہوتے ہوئے لکھا کہ ’میں جلد تمہیں فیلڈ میں کھیلتا ہوا دیکھنا چاہتا ہوں،میری تمام دعائیں اور نیک خواہشات تمہارے ساتھ ہیں۔‘
واضح رہے کہ عالمی ثالثی عدالت نے انڈیپنڈنٹ ایڈجوڈیکٹر کے فیصلے کے خلاف پاکستان کرکٹ بورڈ اور عمر اکمل کی جانب سے دائر کردہ اپیلوں پر فیصلہ سنا دیا ہے۔فیصلے کے مطابق پی سی بی کوڈ آف کنڈکٹ کی شق 2.4.4 کی ایک مرتبہ خلاف ورزی کرنے پر عمر اکمل پر 12 ماہ کی پابندی اور 42 لاکھ 50 ہزار روپے جرمانہ عائد کیا گیا ہے۔