روسی سفارتکاروں کے شمالی کوریا سے فرار کی مبینہ ویڈیو سامنے آگئی

روسی سفارتکاروں کے شمالی کوریا سے فرار کی مبینہ ویڈیو سامنے آگئی
روسی سفارتکاروں کے شمالی کوریا سے فرار کی مبینہ ویڈیو سامنے آگئی

  

پیانگ یانگ (ویب ڈیسک) شمالی کوریا میں کورونا کی وجہ سے عائد سخت پابندیوں سے تنگ ہوکر  مبینہ طور پر فرار ہونیوالے روسی سفارتکار کی ویڈیو بھی سامنے آگئی ، دارالحکومت پیانگ یانگ میں قائم روسی سفارت خانے کے آٹھ ملازمین اور ان کے اہلخانہ سمیت دشوار گزار راستوں کا سفر کرکے شمالی کوریا سے باہر نکلنے میں کامیاب ہوگئے  اور شمالی کوریا سے نکلنے کے لیے 34 گھنٹے سفر کیا۔

روسی سفارتخانے نے اپنے فیس بک پیج پر جاری بیان میں کہا ہےکہ ان حالات میں دشوار گزار کانوں کے ذریعے سفر سے ہی شمالی کوریا سے باہر نکلنا ایک واحد راستہ تھا۔سفارتکاروں نے اپنے اہلخانہ کے ساتھ سفر کا آغاز ٹرین کے ذریعے کیا اور شمالی کوریا کے بوسیدہ ریلوے نظام کے ذریعے 32 گھنٹے سفر کیا جس کے بعد انہوں نے بارڈر کی طرف جانے کے لیے 2 گھنٹے بس چلائی جہاں سے انہوں نے ایک ٹرین ٹرالی لی اور اہلخانہ کو سامان سمیت اس میں منتقل کیا۔

شمالی کوریا کے سفارتخانے کی جانب سے سفارتکاروں اور ان کے اہلخانہ کی ٹرالی پر سوار تصاویر بھی جاری کی گئی ہیں۔میڈیا رپورٹس کے مطابق سفارتکاروں نے روس کو شمالی کوریا سے الگ کرنے والے پل پر تقریباً آدھ  میل تک اس ہاتھ ٹرالی کو گھسیٹا جس کے بعدوہ  روسی سٹیشن پر جا پہنچے اور اپنے ساتھیوں سے ملے جنہوں نے انہیں ائیرپورٹ تک پہنچانے میں ان کی مدد کی۔

واضح رہے کہ شمالی کوریا میں اب تک باضابطہ طور پر کورونا وائرس کو ایک بھی کیس رپورٹ نہیں ہوا ہے اور شمالی کوریا کے سربراہ کم جونگ اُن نے ملک کو کورونا وائرس سے بچانے کے لیے انتہائی سخت لاک ڈاؤن نافذ کررکھا ہے جس کی وجہ سے شمالی کوریا کی سرحدیں مکمل طور پربند ہیں ۔

مزید :

ڈیلی بائیٹس -