حمزہ شہباز کی رہائی کے بعد مریم نواز کا ٹوئٹ سامنے آگیا

حمزہ شہباز کی رہائی کے بعد مریم نواز کا ٹوئٹ سامنے آگیا
حمزہ شہباز کی رہائی کے بعد مریم نواز کا ٹوئٹ سامنے آگیا

  

لاہور(ڈیلی پاکستان آن لائن )مسلم لیگ ن کے قائد میاں محمد نواز شریف کی صاحبزادی مریم نواز نے حمزہ شہباز کی رہائی پر مسرت کا اظہار کیا ۔مائیکرو بلاگنگ ویب سائٹ ٹوئٹر پر مریم نواز نے کہا کہ ایک اور ایک گیارہ ۔ایک اور ٹوئٹ میں انہوں نے بتا یا کہ جب حمزہ شہباز گھر میں داخل ہوئے تو ان کی دو سالہ بیٹی کے چہرے پر آنے والی مسرت کو الفاظ میں بیان نہیں کر سکتی ۔ان کا کہنا تھا کہ جب حمزہ شہباز مجھے رخصت کرنے کے لیے باہر آنے لگے تو ان کی بیٹی رونے لگی جسے خوف تھا کہ اس کے والد پھر چلے جائیں گے ۔مریم نواز نے مزید کہا کہ ظالم کا یوم حساب بھی جلد آئے گا ۔

واضح رہے کہ مسلم لیگ نون کے رہنما حمزہ شہباز کو لاہور ہائی کورٹ سے ضمانت کے بعد آج کوٹ لکھپت جیل سے رہا کردیا گیا ہے۔حمزہ شہباز منی لانڈرنگ کیس میں گرفتار تھے۔ گیارہ جون 2019 کو گرفتاری کے 20ماہ بعد انکی رہائی عمل میں لائی گئی ہے۔

مزید :

قومی -