پی ایس ایل ، 215 رنز ہدف کے تعاقب میں لاہور قلندرز کی بیٹنگ جاری

پی ایس ایل ، 215 رنز ہدف کے تعاقب میں لاہور قلندرز کی بیٹنگ جاری
پی ایس ایل ، 215 رنز ہدف کے تعاقب میں لاہور قلندرز کی بیٹنگ جاری

  IOS Dailypakistan app Android Dailypakistan app

لاہور (ڈیلی پاکستان آن لائن) پاکستان سپر لیگ 9 کے 14 ویں میچ میں ملتان سلطان کے 214 رنز کے جواب میں لاہور قلندر زکی بیٹنگ جاری ہے۔ 

لاہور قلندرز نے 6 ویں اورر میں ایک وکٹ کے نقصان پر54 رنز بنا لیےہیں، لاہور قلندر کے اوپنر فخرزمان 23 رنز بناکر آؤٹ ہوئے۔ 

تفصیلات کے مطابق میچ کا ٹاس ملتان سلطانز نے جیتا تو کپتان محمد رضوان نے پہلے بیٹنگ کا فیصلہ کیا، میچ شروع ہو ا تو اوپنرز محمد رضوان اورہینڈرکس کریز پر آئے، پہلے اوور میں ہی قلندرز  کپتان  شاہین آفریدی نے محمد رضوان کو بولڈ کر دیا، انہوں نے کوئی رن نہیں بنایا۔74 کے مجموعی سکور پرہینڈرکس نے سکندر رضا کی گیند پر کیچ دے دیا جو صاحبزادہ فرحان نے پکڑا، انہوں نے 40رنز بنائے۔ عثمان خان اور طیب طاہر نے طویل پارٹنر شپ کے دوران14 ویں اوور کے اختتام پر مجموعی سکور144 رنز تک پہنچا دیا۔طیب طاہر کو  براتھ ویٹ نے151 کے مجموعے پر پویلین کی راہ دکھائی، عثمان خان اور افتخار احمد نے 18 ویں اوور کے اختتام پر 194 رنز بنائے تھے کہ عثمان خان  کو 96 رنز پر شاہین آفریدی نے شکار کرلیا، ان کا کیچ سلمان فیاض نے پکڑا۔ یوں 20 اوور کے اختتام پر ملتان سلطانز نے4 وکٹوں کے نقصان پر 214 رنز بنالئے۔

واضح رہے کہ شاہین آفریدی کی قیادت میں لاہور قلندرز آج پہلا میچ جیتنے کی کوشش کریں گے، ابھی تک کھیلے گئے 5 میچوں میں سے کسی ایک میچ میں بھی قلندرز نے فتح حاصل نہیں کی۔دوسری جانب ملتان سلطانز نے پی ایس ایل 9 کے 5 میں سے 4 میچز اپنے نام کئے ہیں۔

مزید :

PSL -PSL News Update -کھیل -