ورجینیا،دوائیں پہنچانے کیلئے’’گتے‘‘ کا ڈرون تیار

ورجینیا،دوائیں پہنچانے کیلئے’’گتے‘‘ کا ڈرون تیار

ورجینیا(مانیٹرنگ ڈیسک)پنٹاگون کے دفاعی تحقیقی ادارے ’’ڈارپا‘‘ نے ’’اپسرا‘‘ کے نام سے گتے سے بنا ایسا ڈرون تیار کیا ہے جو ایک کلو گرام وزن اٹھا کر 88 کلومیٹر دور تک پہنچاسکتا ہے۔روایتی ڈرونز کا مقصد جاسوسی، نگرانی اور دشمن پر حملے کرنا ہوتا ہے لیکن یہ ہلکا پھلکا ڈرون بطورِ خاص دواؤں، خون کی بوتلوں اور دوسرے کم وزن طبی ساز و سامان کو مطلوبہ جگہ تک پہنچانے کے لیے بنایا گیا ہے۔دلچسپی کی بات تو یہ ہے کہ اس میں کسی قسم کی کوئی دھات استعمال نہیں کی گئی ہے بلکہ اس کا ہر حصہ صرف گتے یا ایسے مادوں پر مشتمل ہے ۔

جنہیں ’’بایو ڈی گریڈیبل‘‘ (حیاتی تنزل پذیر) کہا جاتا ہے؛ یعنی کام مکمل ہوجانے کے بعد اسے پرزے پرزے کرکے کچرے میں پھینکا جاسکتا ہے اور یہ جلد ہی گل کر مٹی میں تحلیل ہوجاتا ہے۔

مزید : میٹروپولیٹن 4