جمشید دستی شیطان اور ناجائز اولاد ہے،میاں عبدالمنان

جمشید دستی شیطان اور ناجائز اولاد ہے،میاں عبدالمنان
جمشید دستی شیطان اور ناجائز اولاد ہے،میاں عبدالمنان

  

اسلام آباد (آن لائن) قومی اسمبلی کی قائمہ کمیٹی برائے پارلیمانی امور کے چیئرمین (ن) لیگ کے مرکزی راہنما میاں عبدالمنان نے کہا ہے کہ جمشید دستی کے ساتھ پارلیمنٹ کے بعد سڑکوں پر جنگ شروع ہو چکی ہے جو نازیبا اشارے اس نے پارلیمنٹیرین کی طرف ہاتھوں سے کئے ہیں اس کا بھرپور جواب دیں گے، کوکین پی کر سو جانے والوں کو سڑکوں پر گھسیٹیں گے۔

وہ جمعہ کے روز سپیکر ایاز صادق کی سربراہی میں ہونے والے پارلیمانی پارٹی کے سربراہان کے اجلاس کے بعد صحافیوں سے گفتگو کر رہے تھے انہوں نے کہا کہ جمشید دستی شیطان کی اولاد ہیں اس کا نہ باپ ہے اور یہ ناجائز اولاد ہے اس کا حساب اب ہم لیں گے اس کی سیاسی جماعت نہیں ہے شیطان کی اولاد شیطانی حرکات ہی کرتی ہے انہوں نے صحافیوں کی طرف دیکھ کر نازیبا اشارے کئے اور کہا کہ ایسا ہی کام جمشید دستی کے ساتھ ہو گا جس کا انجام پورا پاکستان دیکھے گا۔

مزید : اسلام آباد