حج کرپشن کیس کے آخری ملزم کوبھی 30سال قید کی سزا سنادی گئی

حج کرپشن کیس کے آخری ملزم کوبھی 30سال قید کی سزا سنادی گئی

اسلام آباد(صباح نیوز)اسلام آباد کی خصوصی عدالت نے حج کرپشن کیس میں مرکزی ملزم را شکیل کے فرنٹ مین احمد فیض تیس سال قید کی سزا سناتے ہوئے چار کروڑ پانچ لاکھ جرمانہ ادا کرنے کا حکم دیا ہے۔

حج کرپشن کیس کے آخری ملزم احمد فیض کو سینٹرل جج ملک نذیر کی عدالت میں پیش کیا گیا،عدالت نے ملزم کو دوہزار دس کے حج سیزن کے دوران قومی خزانے کو دیگر کے ساتھ مل کر اربوں روپے نقصان پہنچانے کے الزام میں تیس سال قید اور چار کروڑ پانچ لاکھ روپے جرمانے کی سزا کا حکم سنایا۔ملزم سابق وفاقی وزیر مذہبی امور حامد سعید کاظمی اورسابق ڈی جی حج را شکیل کا فرنٹ میں تھا جسے سعودی عرب میں گرفتاری کے بعد انٹرپول کی مدد سے وطن واپس لایا گیا تھا۔حج کرپشن کیس میں سابق وفاقی وزیرمذہبی امور حامد سعید کاظمی کو سولہ سال اور سابق ڈی جی حج را شکیل کو چالیس سال قید کی سزا سنائی جاچکی ہیں۔

مزید : اسلام آباد

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...