تحریک انصاف کی حکومت یو ٹرن کی بادشاہ ،عوامی توقعات پر پورا اترنے میں صفر ثابت ہوئی : جواد احمد

تحریک انصاف کی حکومت یو ٹرن کی بادشاہ ،عوامی توقعات پر پورا اترنے میں صفر ...
تحریک انصاف کی حکومت یو ٹرن کی بادشاہ ،عوامی توقعات پر پورا اترنے میں صفر ثابت ہوئی : جواد احمد

  

لاہور(ڈیلی پاکستان آن لائن)برابری پارٹی پاکستان کے چیئرمین اور معروف گلوکار جواد احمد نے کہا ہے کہتحریک انصاف کی حکومت یو ٹرن کی بادشاہ جبکہ عوامی توقعات پر پورا اترنے میں صفر ثابت ہوئی ہے،  اقصادی اصلاحات کے نام پر پیش کیا جانے والا منی بجٹ دراصل اعدادو شمار کا کھیل ہے جس سے عام آدمی کو کوئی فائدہ نہیں ہوگا،حکومت کی ناقص معاشی پالیسیوں کی وجہ سے دن بدن مسائل بڑھتے جارہے ہیں،برابری پارٹی پاکستان منی بجٹ کو رد کرتی ہے اور حکومت سے مطالبہ کرتی ہے کہ موجودہ اقتصادی نظام کو تبدیل کیا جائے۔

معروف گلوکار اور اور سیاسی رہنما  جواد احمد کا کہنا تھا کہ اقتصادی ترقی کے جو اہداف حکومت نے طے کیے ہیں ان کے حصول میں کامیابی ممکن نہیں، اس وقت ملک جس اقتصادی صورتحال سے گز رہاہے اس کے تناظر میں نظام میں تبدیلی لانے کی ضرورت ہے، بے مقصد اصلاحات سے ٹیکس نیٹ اضافہ بھی ممکن نہیں، حکومت کو گزشتہ 6ماہ کے دوران 175 ارب کے ریونیو کا خسارہ ہے جس نے خطرے کی گھنٹی بجائی ہے، ہونا تو یہ چاہیے تھا کہ ملکی وسائل پر انحصار کرکے ایسا معاشی ریلیف پیکج دیا جاتا جس کے ذریعے لوگوں کے نہ صرف مسائل حل ہوتے بلکہ مہنگائی پر بھی قابو پالیا جاتا۔ انہوں نے کہا کہ  وزیر خزانہ کی تقریر میں کہیں بھی کرپشن اور بے روزگاری کے خاتمے کے حوالے سے کوئی ٹھوس حکمت عملی نظر نہیں آئی، انکی تقریر کا بیشتر حصہ سیاسی تھا ،ایک طرف تو اقتصادی اصلاحات کا نام دے کر منی بجٹ کا بم گرایا گیا تو دوسری جانب فیول ایڈجسٹمنٹ کے نام پر بجلی کے نرخوں میں اضافہ کردیا گیا جس سے صارفین پر 4ارب 20 کڑور کا اضافی بوجھ پڑے گا۔

مزید : علاقائی /پنجاب /لاہور