کرپشن میں اضافہ نہیں ہوا، غلط ڈیٹا دکھا کر نقصان پہنچانے کی کوشش کی گئی، ٹرانسپیرنسی انٹر نیشنل پاکستان کی وضاحت

کرپشن میں اضافہ نہیں ہوا، غلط ڈیٹا دکھا کر نقصان پہنچانے کی کوشش کی گئی، ...

  



اسلام آباد (نیوزایجنسیاں)چیئرمین ٹرانسپیرنسی انٹرنیشنل پاکستان سہیل مظفر نے پاکستان سے متعلق رپورٹ پر وضاحتی بیان جاری کر تے ہوئے کہاہے کہ غلط ڈیٹا دکھا کر پاکستان کو نقصان پہنچانے کی کوشش کی جا رہی ہے۔تفصیلات کے مطابق چند روز قبل ٹرانسپرنسی انٹرنیشنل کی رپورٹ منظر عام پر آئی تھی جس کے مطابق پاکستان میں کرپشن میں اضافہ ہوا،رپورٹ کو لیکر اپوزیشن جماعتوں نے وفاقی حکومت کو شدید تنقید کا نشانہ بنایا، حکومت نے ٹرانسپیرنسی انٹرنیشنل کی ساکھ پر ہی سوالیہ نشان اٹھا دیئے تھے۔چیئرمین ٹرانسپیرنسی انٹرنیشنل پاکستان کے سربراہ سہیل مظفر نے اس رپورٹ کے حوالے سے وضاحت جاری کر دی ہے۔سہیل مظفر نے کہاکہ رپورٹ میں کہیں نہیں کہا کہ 2019 میں پاکستان میں کرپشن بڑھی ہے، پاکستان کا اسکور ایک درجہ نیچے جانا کرپشن میں اضافے یا کمی کی نشاندہی نہیں کرتا۔انہوں نے کہا کہ سیاستدانوں اور میڈیا نے رپورٹ کو غلط رپورٹ کیا، غلط اعداد و شمار پیش کر کے پاکستان کی ساکھ کونقصان پہنچانے کی کوشش کی جا رہی ہے۔چیئرمین ٹرانسپیرنسی انٹرنیشنل نے کہا کہ حکومت پاکستان کے بدعنوانی کے خلاف اقدامات قابل ستائش ہیں اور موجودہ حکومت میں نیب کی کارکردگی بہتر ہوئی ہے۔

ٹرانسپیرنسی انٹرنیشنل کی وضاحت

مزید : صفحہ اول