احتساب کا ادارہ سمجھا جانے والا آج خود قابل احتساب ہے، شاہد خاقان

      احتساب کا ادارہ سمجھا جانے والا آج خود قابل احتساب ہے، شاہد خاقان

  

 اسلام آباد(سٹاف رپورٹر) پاکستان مسلم لیگ (ن) کے رہنما ء سابق وزیر اعظم شاہد خاقان عباسی نے کہا ہے کہ احتساب کا ادارہ سمجھا جانے والا آج خود قابل احتساب ہے، ان سے پوچھنے والا کوئی نہیں، براڈ شیٹ دستاویزات کا بہت چھوٹا حصہ عوام کے سامنے آیا، ہمت ہے تو تفصیلات لائیں، بڑے بڑے نام منظرعام پر آئیں گے۔ شاہد خاقان عباسی نے میڈیا سے گفتگو کرتے ہوئے کہا کہ نیب ملک میں سیاست کو ناکام اور بدنام کرنے کا طریقہ ہے، جو کیس بنائے جا رہے ہیں جھوٹ کے سوا کچھ نہیں، کیسز تاثر پیدا کرنے کا طریقہ ہے کہ سیاستدان کرپٹ ہیں، جو سوالات ہم سے کیے جاتے ہیں وہ باقیوں سے کیوں نہیں ہوتے؟ کیا حکومت کا حساب لینے والا کوئی نہیں؟ آج احتساب کے نام پر سوالیہ نشان ہے، عدالتوں میں کیمرے لگائیں اور دیکھیں کس نے کرپشن کی۔ شاہد خاقان عباسی کا کہنا تھا کہ احتساب کی بات کرنی ہے تو براڈ شیٹ کے حقائق عوام کے سامنے رکھیں، براڈ شیٹ معاملے میں پرویز مشرف کا نام بھی آتا ہے۔

شاہد خاقان عباسی 

مزید :

صفحہ اول -