احتساب عدالت: گرفتار میپکو ٹیسٹ  انسپکٹر اور اہلیہ کے خلاف ریفرنس کی  سماعت 15 فروری تک ملتوی

 احتساب عدالت: گرفتار میپکو ٹیسٹ  انسپکٹر اور اہلیہ کے خلاف ریفرنس کی  ...

  

 ملتان (خصوصی رپو رٹر)احتساب عدالت ملتان نے آمدن سے زائد کروڑوں روپے کے اثاثے بنانے کے مقدمہ میں گرفتار میپکو کے ٹیسٹ انسپکٹر اور اسکی بیوی کیخلاف ر(بقیہ نمبر52صفحہ 7پر)

یفرنس کی سماعت 15 فروری تک ملتوی کرنے کا حکم دیا ہے۔ اس موقع پر دو گواہوں شاہد اقبال اور پٹواری غلام مرتضی کے بیانات قلمبند کرلیے گئے ہیں آئندہ سماعت پر بھی گواہوں کی شہادتیں قلمبند کی جائیں گی جن کو نوٹس جاری کردیے گئے ہیں۔قبل ازیں فاضل عدالت میں نیب ملتان کے مطابق ملزم ٹیسٹ انسپکٹر میپکو محمد حسین جو کہ 1981 میں تیسرے سکیل پر میپکو میں ہیلپر بھرتی ہوا تھا اور اب 16 ویں سکیل پر کام کررہا تھا، ملازمت سے قبل ملزم کے پاس کوئی جائیداد نہیں تھی لیکن اب ملزم کے پاس 17 کروڑ سے زائد کے اثاثے ہیں جو ملزم اور اسکی بیوی ثمینہ نگہت اور بیٹے کے نام پر ہیں جبکہ اسکی بیوی کی بھی 1996 میں ملزم سے شادی ہوئی تھی جس کے پاس بھی کوئی جائیداد نہیں تھی۔ اور ریکارڈ کے مطابق ملزم نے اپنی بیوی کے ساتھ ملکر 12 سے زائد بینکوں سے 14 کروڑ 80 لاکھ روپے 2002 سے 2018 میں منتقل کیے ہیں۔ ملزم کو بے گناہی ثابت کرنے کے لیے بہت وقت دیا گیا لیکن ملزم نے کوئی ثبوت پیش نہیں کیا ہے۔جس پر ملزم کے خلاف ڈی جی نیب ملتان نے گزشتہ برس 24 جون کو گرفتاری وارنٹ جاری کیے تھے۔ اور عبوری ضمانت خارج ہونے پر گرفتار کیا گیا تھا۔ دوسری جانب انکی اہلیہ ضمانت پر رہا ہیں جن کے خلاف ریفرنس زیر سماعت ہے۔

ملتوی

مزید :

ملتان صفحہ آخر -