گوگل کے بھارتی نژاد سی ای او کیخلاف مقدمہ درج کر لیا گیا
نیویارک (ویب ڈیسک) گوگل کے بھارتی نژاد چیف ایگزیکٹو آفیسر (سی ای او) سندر پیچائی کے خلاف یوٹیوب پر کاپی رائٹ کی خلاف ورزی کرنے پر ایف آئی آر درج کرلی گئی، بالی ووڈ فلموں کے ڈائریکٹر سنیل درشن نے گوگل اور دیگر 5 افراد کے خلاف ایف آئی آر درج کروائی۔
بھارتی میڈیا رپورٹس کے مطابق ممبئی پولیس نے بدھ کے روز گوگل کے سی ای او سندر پچائی اور کمپنی کے پانچ دیگر ملازمین کے خلاف کاپی رائٹ ایکٹ کی خلاف ورزی کا مقدمہ درج کیا ہے۔سنیل درشن نے اپنی شکایت میں کہا کہ گوگل نے غیر مجاز افراد کو ان کی فلم ’ایک حسینہ تھی ایک دیوانہ تھا‘ کو یوٹیوب پر اپ لوڈ کرنے کی اجازت دی۔سنیل درشن نے کاپی رائٹ کے معاملے پر عدالت سے رجوع کیا تھا اس معاملے کی سماعت کرتے ہوئے ممبئی کی عدالت نے گوگل سے سندر پچائی اور پانچ دیگر کے خلاف ایف آئی آر درج کرنے کا حکم دیا۔
On directions of a court, Mumbai Police books Google CEO Sundar Pichai &5 other company officials for Copyright Act violation
— ANI (@ANI) January 26, 2022
Film director Suneel Darshan in his complaint said that Google allowed unauthorized persons to upload his film 'Ek Haseena Thi Ek Deewana Tha' on YouTube pic.twitter.com/97fn0ft33p
بھارتی میڈیا سے گفتگو کرتے ہوئے فلم ڈائریکٹر سنیل درشن نے بتایا کہ انہوں نے فلم کے حقوق کسی کو نہیں دیے اور وہ کئی سالوں سے یوٹیوب کے خلاف جنگ لڑ رہے ہیں تاہم انہیں ابھی تک یوٹیوب کی طرف سے کوئی جواب موصول نہیں ہوا، میں فلمیں بناتا ہوں اور وہ میری جائیداد ہیں،کوئی اور انہیں اربوں ویوز کے ساتھ اپ لوڈ کر رہا ہے، یوٹیوب اور دوسرے اس سے کما رہے ہیں، میں نے بہت سی شکایات کیں لیکن کوئی جواب نہیں ملا۔ممبئی پولیس کے مطابق نے سندر پچائی اور دیگر کے خلاف ایف آئی آر درج کر کے معاملے کی تحقیقات شروع کردی گئی ہیں۔
واضح رہے کہ بالی وڈ' فلم ایک حسینہ تھی ایک دیوانہ تھا '2017 میں ریلیز کی گئی تھی۔
