عمران خان اور قاسم سوری پر آرٹیکل 6 کا مقدمہ نہ بنانا ہماری حکومت کی غلطی تھی: ملک احمد خان
اسلام آباد(ڈیلی پاکستان آن لائن)پاکستان مسلم لیگ (ن) کے رہنما ملک احمد خان نے عمران خان اور قاسم سوری پر آرٹیکل 6 کا مقدمہ نہ بنانے کو اپنی حکومت کی غلطی قرار دے دیا۔نیوز کانفرنس میں انہوں نے کہا کہ پی ٹی آئی نے ڈسکہ الیکشن اور الیکٹرونک ووٹنگ مشین (ای وی ایم) کے معاملے پر الیکشن کمیشن خلاف مذموم مہم کا آغاز کیا تھا۔
ان کا کہنا تھا کہ الیکشن کمیشن کو اسی وقت سخت کارروائی کرنی چاہیے تھی، ساتھ میں انہوں نے یہ بھی کہا کہ قاسم سوری کے خلاف بھی آرٹیکل 6 پر کارروائی ہونی چاہیے تھی۔انہوں نے کہا کہ عمران خان چاہتے تھے جیسے ان کی حکومت بنائی تھی اسی طرح بچائی اور چلائی بھی جائے۔ لفظ نیوٹرل کو گالی بنا کر جانور تک کہا گیا۔ ملک احمد خان نے کہا جو کچھ بھی ہو، فواد چوہدری کو ہتھکڑیاں اور چادر ڈال کر نہیں لانا چاہیے تھا۔
