فواد چودھری کی ضمانت بعد از گرفتاری کی درخواست پر سماعت کل ہو گی
اسلام آباد (ڈیلی پاکستان آن لائن ) پاکستان تحریک انصاف کے سینئر رہنما اور سابق وزیر داخلہ فواد چودھری کی درخواست ضمانت پر ایڈیشنل سیشن جج فیضان حیدر کل سماعت کریں گے ۔
نجی ٹی وی چینل "ڈان نیوز "کے مطابق سیشن جج طاہر محمود نے درخواست ضمانت ایڈیشنل سیشن جج فیضان حیدر کو بھجوا دی ہے ، پی ٹی آئی کے وکلا درخواست ضمانت لے کر ایڈیشنل سیشن جج کی عدالت میں پہنچ گئے ، عدالت نے فریقین کو نوٹس جاری کرتے ہوئے سماعت کل تک ملتوی کر دی ہے ۔
واضح رہے کہ اس سے قبل جوڈیشل مجسٹریٹ نے درخواست ضمانت سننے سے انکار کر دیا تھا ، ان کا کہنا تھا کہ درخواست ضمانت میرے دائرہ اختیار میں نہیں آتی متعلقہ فورم سے رابطہ کیا جائے ۔
