قومی اسمبلی کے 33 حلقوں میں ضمنی انتخابات کا شیڈول جاری
اسلام آباد (ڈیلی پاکستان آن لائن ) پاکستان تحریک انصاف کے 33ارکان کے استعفے منظور ہونے کے بعد خالی ہونے والی نشستوں پر انتخابات کا شیڈول جاری کر دیا گیا ہے , شیڈول کے مطابق ان حلقوں میں 16مارچ کو الیکشن ہو گا۔
نجی ٹی وی چینل "ڈا ن نیوز "کے مطابق الیکشن کمیشن کی جانب سے قومی اسمبلی کے 33 حلقوں میں ضمنی الیکشن کیلئے 16مارچ کی تاریخ مقرر کی گئی ہے ، کاغذات نامزدگی 6سے 8 فروری کے درمیان جمع کرائے جا سکیں گے اور 9 فروری کو کاغذات نامزدگی کی جانچ پڑتال کی جائے گی، جبکہ 23 فروری کو انتخابات کیلئے نشان الاٹ کیے جائیں گے ۔
اس ضمنی انتخاب میں کراچی سے قومی اسمبلی کے 9 حلقے شامل ہیں، جبکہ خیبر پختونخوا کے 8 حلقوں میں ضمنی انتخابات کروائیں جائیں گے ،راولپنڈی کی 5نشستیں بھی اس شیڈول میں شامل ہیں لاہور اور ملتان کی 2،2نشستیں شامل ہیں ۔
