پاکستان بیت المال کا آئی ڈی پیز کیلئے عید پیکیج کا اعلان

پاکستان بیت المال کا آئی ڈی پیز کیلئے عید پیکیج کا اعلان


اسلام آباد(آن لائن) پاکستان بیت المال نے شمالی وزیرستان کے متاثرین کوعید کی خوشیوں میں شامل کرنے کے لیے کپڑوں کے 20 ہزار جوڑے،500 سلائی مشینیں، پانی کی 20 ہزار بوتلیں،کھانے پینے کی اشیاء اور دیگر بے شمار تحائف بھجوا دئیے۔ میڈیا رپورٹ کے مطابق ایم ڈی بیت المال بیرسٹر عابد وحید کا کہنا تھا کہ متاثرین کو عیدی اور معذوروں کیلئے 100 ویل چیئرز کا تحفہ دیا جائے گا۔ آئی ڈی پیز کو سامان بھجوانے کے لیے منعقدہ تقریب میں وفاقی وزیر سیفران جنرل (ر )عبدالقادر بلوچ نے آئی ڈی پیز کی قربانیوں کی تعریف کی اور کہا کہ ان کے بغیر دہشتگردوں کا خاتمہ ممکن نہیں ، جبکہ وزیر مملکت شیخ آفتاب نے آئی ڈی پیز کو قوم کا محسن قرار دیا۔ وفاقی وزرا کا کہنا ہے کہ متاثرین وزیرستان وطن کی بقا کی جنگ لڑرہے ہیں،اور پوری قوم ان کی مدد اور تعاون کے لیے اٹھ کھڑی ہو۔ پاکستان بیت المال کی طرف سے شمالی وزیر ستان آپریشن کے متاثرین کیلیے عید تحائف تو شاید چھوٹا سا نذرانہ ہوں ، لیکن ان تحائف میں چھپی محبت اور خلوص کا کوئی شمار نہیں۔

مزید : صفحہ آخر