کشمیر پر آو آئی سی کی قرارداد ناقابل قبول ہے ،سشما سوراج
نئی دہلی(آن لائن) اسلامی ممالک کی عالمی تنطیم (او آئی سی) کی کشمیر سے متعلق قرار دادکوگمراہ کن قرار دیتے ہوئے بھارتی وزیر خارجہ سشما سوراج نے کہا ہے کہ گلگت بلتستان آرپار جموں و کشمیر بھارت کا ناقابل تنسیخ حصہ ہے اور اس سلسلے میں کسی بھی سمجھوتے کا سوال ہی نہیں لہذا او آئی سی بھارت کے اندورنی معاملات میں مداخلت سے باز رہے بھارتی میڈیا کے مطابق صحافیوں سے بات چیت کرتے ہوئے وزیر خارجہ سشما سوراج کا کہنا تھا کہ اسلامی ممالک کی عالمی تنظیم کے وزرائے خارجہ اجلاس میں کشمیر سے متعلق جو قرار داد پاس کی گئی ہے وہ کسی بھی طور پر قابل قبول نہیں ہے بلکہ کشمیر بھارت کا ناقابل تنسیخ حصہ ہے اور رہیگا تاہم اتناہی نہیں بلکہ آرپار جموں و کشمیر بھارت کا اٹوٹ انگ ہے اور پاکستان نے اس پر جبری قبضہ کررکھا ہے جس کو ختم کرنے کیلئے بھارت کی کوششیں جاری رہیں گی .
انہوں نے کہ کہا کہ او آئی سی کشمیر مسئلے کو لیکر بھارت کے اندورنی معاملات میں مداخلت کررہا ہے اور کسی اعتبار سے قابل قبول نہیں ہے وزیر خارجہ سشما سوراج نے آر پار جموں و کشمیر کو بھارت کا ناقابل تنسیخ حصہ قرار دیتے ہوئے کہا کہ گلگت بلتستان بھی بھارت کا حصہ ہے اور اس وقت تقسیم کے دوران بھی یہ بات صاف ہوگئی تھی لیکن کچھ ایک بنیادوں پر یہ علاقہ پاکستان کے زیر نگرانی آئے .
