رہنما اے این پی اسفند یار ولی نے انتخابی نتائج کو مستر د کردیا،احتجاج کا اعلان

27 جولائی 2018 (14:20)

چارسدہ (ڈیلی پاکستان آن لائن)رہنما اے این پی اسفند یار ولی نے انتخابی نتائج کو مستر د کرتے ہوئے احتجاج کا اعلان کر دیا۔

میڈیا سے گفتگو کرتے ہوئے رہنما اے این پی اسفند یار ولی کا کہنا تھا کہ پولنگ والے دن 6 بجے تک سب کچھ ٹھیک چل رہاتھا ،ہرجگہ6 بجے کے بعد گڑبڑہوئی، میرے حلقے میں ووٹوں کی گنتی درست نہیں ہوئی ،ہم نے فیصلہ کیا ہے کہ احتجاج کریں گے اور آج شام کواے پی سی میں طے کریں گے،آگے کیاکرناہے۔ ان کا مزید کہنا تھا کہ ہم انتخابی نتائج کو مستر د کرتے ہیں اور  30جولائی کوہرضلعی ہیڈکوارٹرپراحتجاج ریکارڈکرائیں گے تاہم تمام تحفظات کے باوجود ہم جمہوریت کو آگے لے جانا چاہتے ہیں۔

مزیدخبریں