سعودی عرب کے محکمہ موسمیات نے اتنی زیادہ گرمی پڑنے کی پیشگوئی کر دی گئی کہ سن کر آپ کو پسینے آ جائیں گے

ریاض(ڈیلی پاکستان آن لائن ) سعودی عرب میں محکمہ موسمیات نے قیامت خیز گرمی پڑنے اور درجہ حرارت 50 ڈگری سینٹی گریڈ تک پہنچنے کی پیشنگوئی کر دی ہے ۔
نجی ٹی وی اے آر وائے نیوز کی رپورٹ کے مطابق سعودی محکمہ موسمیات نے امکان ظاہر کیا ہے کہ مشرقی ریجن اور شمالی حدود ریجن میں پیر 27 جولائی سے جمعرات تک درجہ حرارت 50 ڈگری سینٹی گریڈ تک پہنچ جائے گا۔محکمہ موسمیات کا کہنا ہے کہ اس بات کا بڑا امکان ہے کہ شدید گرمی کی لہر سے دارالحکومت ریاض، اس کی کمشنریاں اور تحصیلیں بھی متاثر ہوں گی۔محکمہ موسمیات کے مطابق القصیم اور مدینہ منورہ ریجنز میں درجہ حرارت 48 سینٹی گریڈ تک پہنچنے کا امکان ہے۔
دوسری جانب اتوار کو باحہ ریجن میں گرد و غبار کے طوفان سے حد نظر محدود ہوگئی، بعد ازاں تیز ہواو¿ں کے ساتھ کہیں موسلا دھار اور کہیں ہلکی بارش نے منظر نامہ بدل دیا۔ کئی علاقوں میں ژالہ باری بھی ہوئی۔باحہ سے ملنے والی اطلاعات کے مطابق باحہ شہر المخوآ، المندق، بلجرشی، الہجر، بنی حسن اور غامد الزنان میں رات 8 بجے تک بارش ہوتی رہی ہے۔