اپوزیشن نے حکومت کے خلاف تحریک کے لئے لائحہ عمل طے کرلیا

اپوزیشن نے حکومت کے خلاف تحریک کے لئے لائحہ عمل طے کرلیا
اپوزیشن نے حکومت کے خلاف تحریک کے لئے لائحہ عمل طے کرلیا

  

اسلام آباد (آئی این پی ) اپوزیشن کی آل پارٹیز کانفرنس عید الاضحیٰ کے فوراً بعد ہوگی اور اس کی میزبانی مسلم لیگ (ن) کے صدر شہباز شریف کریں گے۔

تفصیلات کے مطابق اپوزیشن نے حکومت کے خلاف بھرپور تحریک کے لئے لائحہ عمل طے کرلیا۔ جس کے تحت عیدالاضحیٰ کے فوراً بعد اپوزیشن کی آل پارٹیز کانفرنس اسلام آباد میں ہوگی، جس کی میزبانی مسلم لیگ (ن) کے صدر شہباز شریف کریں گے۔

کانفرنس کی تاریج کا حتمی اعلان بھی شہباز شریف کریں گے۔ اے پی سی میں مسلم لیگ (ن)، پیپلز پارٹی اور جے یو آئی سمیت تمام اپوزیشن جماعتیں شریک ہوں گی۔ کانفرنس میں بلوچستان نیشنل پارٹی کے صدر اختر مینگل بھی شریک ہوں گے۔ کانفرنس میں حکومت کی 2 سال کی کارکردگی اور معاشی صورتحال کو زیر بحث لایا جائے گا، کانفرنس میں نیب سمیت اپوزیشن کے خلاف حکومتی کارروائیوں کا جائزہ لیا جائے گا۔ اس کے علاوہ مجوزہ حکومتی آئینی ترامیم پر بھی غور کیا جائے گا۔

مزید :

علاقائی -اسلام آباد -