چین کا امریکہ پر انسانی حقوق کی خلاف ورزیوں کا الزام

چین کا امریکہ پر انسانی حقوق کی خلاف ورزیوں کا الزام

بیجنگ (آئی این پی) چین نے امریکی حکومت پر انسانی حقوق کی خلاف ورزیوں کا الزام عائد کرتے ہوئے کہا ہے کہ امریکی حکومت ملک میں ہتھیاروں کے پھیلاؤ، پرتشدد جرائم اور پولیس کی جانب سے طاقت کے غیرضروری استعمال کی روک تھام کے لیے کافی اقدامات کرتی نظر نہیں آتی۔عالمی میڈیا کے مطابق چین نے امریکی حکومت پر انسانی حقوق کی خلاف ورزیوں کا الزام عائد کیا ہے۔ اس سے ایک روز قبل واشنگٹن نے اپنی ایک رپورٹ میں چین میں انسانی حقوق کی صورت حال پر تشویش ظاہر کی تھی۔ چینی رپورٹ میں امریکی میڈیا کی رپورٹوں کے ذریعے حاصل کیے گئے ڈیٹا کو بنیاد بنایا گیا ہے۔ چینی رپورٹ میں امریکی پولیس کے ’ظلم‘ اور این ایس اے کے بین الاقوامی نگرانی کے نظام کی مذمت کی گئی ہے۔ اس رپورٹ میں کہا گیا ہے کہ امریکی حکومت ملک میں ہتھیاروں کے پھیلاؤ، پرتشدد جرائم اور پولیس کی جانب سے طاقت کے غیرضروری استعمال کی روک تھام کے لیے کافی اقدامات کرتی نظر نہیں آتی۔

چین

مزید : صفحہ آخر