زیادہ موبائل فون استعمال کرنے والوں کیلئے انتہائی تشویشناک خبر ،جدید تحقیق میں سائنسدانوں نے انتہائی خوفناک بیماری کا باعث قرار دے دیا

زیادہ موبائل فون استعمال کرنے والوں کیلئے انتہائی تشویشناک خبر ،جدید تحقیق ...
زیادہ موبائل فون استعمال کرنے والوں کیلئے انتہائی تشویشناک خبر ،جدید تحقیق میں سائنسدانوں نے انتہائی خوفناک بیماری کا باعث قرار دے دیا

  

نیویارک(نیوزڈیسک)اگر آپ بھی ان لوگوں میں شامل ہیں جو ہر وقت اپنا موبائل فون کان کے ساتھ لگائی رکھتے ہیں اور ہر وقت اپنے دوستوں اور رشتے داروں کے ساتھ محو گفتگو رہتے ہیں تو خبردار ہوجائیں اور فوراًاپنی اس عادت کو ترک کردیں کہ یہ آُ پکے لئے انتہائی خطرناک ہے ۔

ایک تازہ تحقیق میں انکشاف ہوا ہے کہ اگر ہم ریڈیو ایکٹو شعاعوں کی زد میں زیادہ دیر تک رہیں تو ہمارے جسم میں کینسر ہونے کا امکان بہت زیادہ ہوتا ہے۔بالخصوص ہمارے دماغ میں ٹیومر بننے کے امکانات بہت زیادہ ہوجاتے ہیں۔ماضی میں بھی یہ باتیں بتائی گئی تھیں کہ اگر انسانی جسم زیادہ دیر تک ریڈیو شعاعوں(ایسی شعاعیں موبائل فون، لیپ ٹاپ اور ٹیبلیٹس سے نکلتی رہتی ہیں)کے زیر اثر رہے تو ہمارے خلیوں اور خون پر اس کے اثرات لازماًمرتب ہوتے ہیں۔نیشنل کینسر انسٹی ٹیوٹ کی جانب سے یہ بھی بتایا گیا تھا کہ یہ شعاعیں خلیوں کے لئے خطرناک ضرور ہیں لیکن یہ ڈی این اے کو بہت زیادہ نقصان نہیں پہنچاتیں۔Hardell and Carlbergکی جانب سے کی گئی موجودہ تحقیق میں یہ بتایا گیا ہے کہ اس طرح کے ٹیکنالوجی آلات کا زیادہ استعمال دماغ میں gliomaیعنی برین ٹیومر کی انتہائی اہم وجہ ہے۔تحقیق میں یہ بتایا گیا ہے کہ جولوگ زیادہ دیر تک موبائل فونز استعمال کرتے تھے ان کے دماغ میں ٹیومر ہونے کے امکانات بہت زیادہ تھے۔ماضی میں جتنی بھی تحقیقات کی گئیں وہ 10سال کے عرصے تک محیط تھیں لیکن اس تحقیق کو 25سال تک جاری رکھا گیا۔

تحقیق کاروں کا کہنا ہے کہ جتنی اوائل عمری میں موبائل استعمال کیا جائے اتنا جلد ہی انسان میں کینسر کے ٹیومر بننے کی رفتار تیز ہوجاتی ہے۔انہوں نے لوگوں کو اس بیماری سے بچنے کے لئے قیمتی مشورہ دیتے ہوئے کہا کہ اپنی موبائل فون کا استعمال کم کریں،فون سنتے وقت اسے زیادہ سے زیادہ سر سے دور رکھیں،اپنے فون کو جیب میں ڈالنے کی بجائے کسی بیگ میں رکھیں تا کہ شعاعوں کا اثر کم سے کم ہو۔

مزید : ڈیلی بائیٹس