کینگرو نے ویمنز فٹبال میچ رکوا دیا

کینگرو نے ویمنز فٹبال میچ رکوا دیا
کینگرو نے ویمنز فٹبال میچ رکوا دیا

  

سڈنی(صباح نیوز) آسٹریلیا میں کینگرو نے ویمنز فٹبال میچ رکوا دیا۔

تفصیلات کے مطابق کینبرا کلب اور بیلکونین یونائیٹڈ کے مقابلے میں ہاف ٹائم پر جب کھلاڑی میدان سے باہر گئیں تو ایک بڑا سا کینگروگول پوسٹ کے دہانے پر آکر بیٹھ گیا اور وہاں سے ہلنے سے انکار کردیا۔میچ کمنٹیٹر رس گبز کا کہنا تھاکہ مذکورہ کینگرو پہلا ہاف دور سے دیکھتا رہا، یہ کھیل اس کو اتنا پسند آیا کہ خود ہی اس کا حصہ بننے کیلیے میدان میں اترا اور گول پوسٹ میں جم کر بیٹھ گیا۔ اس کی وجہ سے تقریبا آدھا گھنٹہ کھیل رکا رہا،آخر بیلکونین کلب کے کوچ نے اپنی کار استعمال کرتے ہوئے ہوشیاری سے اسے باہر نکالا۔

مزید : کھیل