پنجاب سمیت ملک بھرمیں آلو کے زیرکاشت رقبہ میں اضافہ ہواہے، زرعی ماہرین

پنجاب سمیت ملک بھرمیں آلو کے زیرکاشت رقبہ میں اضافہ ہواہے، زرعی ماہرین

قصور( آن لائن )پنجاب سمیت ملک بھرمیں حالیہ کچھ عرصہ کے دوران آلو کے زیرکاشت رقبہ میں اضافہ ہواہے۔ زرعی ماہرین نے بتایا کہ آلو کی فصل کی کاشت کیلئے زمین کی تیاری بھی انتہائی اہم ہوتی ہے جس میں کھادوں کا متوازن استعمال بھی ضروری ہے۔ گزشتہ چند سالوں کے دوران آلو کے زیرکاشت رقبہ میں ہزاروں ایکڑ کا اضافہ ہواہے۔انہوں نے کہا کہ مشاہدے میں آیاہے کہ معیاری بیج کی عدم دستیابی کے باعث کاشتکار مارکیٹ سے آلو کا جو بیج خرید رہے ہیں وہ مختلف بیماریوں کے باعث کم پیداوار فراہم کررہا ہے۔ نشاستہ منرلزاور پروٹینز کی بھرپورمقدار کے باعث جہاں خوراک کو متوازن بنانے میں آلو کا استعمال زیادہ ہواہے وہیں آلو سے بننے والی دیگر غذائی مصنوعات کی مانگ بھی کئی گنا بڑھ گئی ہے جس سے متعلقہ سٹیک ہولڈرز بھاری منافع حاصل کر رہے ہیں۔

ماہرین نے بتایا کہ آلو دنیاکی ایک مشہور فصل ہونے کیساتھ ساتھ مکمل غذابھی ہے جسے نہ صرف چھوٹی عمرکے بچوں میں انتہائی مقبولیت حاصل ہے بلکہ اسے ہر خوراک کو متوازن بنانے کیلئے بھی استعمال کیاجاتاہے۔انہوں نے بتایا کہ رب کائنات کے خاص فضل و کرم سے اب گرمی سردی بہارخزاں کے موسموں میں ملک میں سارا سال کہیں نہ کہیں آلوکی کاشت جاری رہتی ہے۔۔#/s#

مزید : کامرس