بطورکپتان ٹیم کی کارکردگی سے مطمئن ہوں، یاسرشاہ کاکم بیک ٹیم کے لئے اچھا ہوگا: کپتان سرفراز احمد

بطورکپتان ٹیم کی کارکردگی سے مطمئن ہوں، یاسرشاہ کاکم بیک ٹیم کے لئے اچھا ...
بطورکپتان ٹیم کی کارکردگی سے مطمئن ہوں، یاسرشاہ کاکم بیک ٹیم کے لئے اچھا ہوگا: کپتان سرفراز احمد

  

لاہور(ڈیلی پاکستان آن لائن )قومی کرکٹ ٹیم کے کپتان سرفراز احمد کا کہنا ہے کہ بطورکپتان ٹیم کی کارکردگی سے مطمئن ہوں،سہ فریقی سیریزمیں دباؤ ضرورہوگالیکن اچھاکھیلنے کی کوشش کریں گے میں نے لڑکوں سے کہا ہے کہ کسی دباؤے بغیرنیچرل گیم کھیلنے کی کوشش کریں۔

میڈیا سے گفتگو میں قومی کرکٹ ٹیم کے کپتان سرفراز احمد کا کہناتھا کہ جب بھی موقع ملتا ہے بہترین پرفارمنس دینے کی کوشش کرتا ہوں، یہی کوشش ہوتی ہے کہ اپنی بیٹنگ سے ٹیم کومیچ میں کامیابی دلواؤں،بطورکپتان کھیل کے دوران دباؤ بھی ہوتاہے،تمام کھلاڑی چاہتے ہیں کہ ٹیم کی پرفارمنس میں بہتری آئے اور بطورکپتان ٹیم کی کارکردگی سے مطمئن ہوں۔ان کا مزید کہنا تھا کہ کھلاڑی ایک دوسرے کی پرفارمنس کے لئے دعا کرتے ہیں،تمام کھلاڑی محنت کرتے ہیں گراﺅنڈ میں نظر آتا ہے میں نے لڑکوں کوکہا ہے کسی دباؤ کے بغیرنیچرل گیم کھیلنے کی کوشش کریں ،سہ فریقی سیریزمیں دباؤ ضرورہوگالیکن اچھاکھیلنے کی کوشش کریں گے ۔محمد حفیظ کے بارے میں قومی ٹیم کے کپتان کا کہنا تھا کہ محمد حفیظ کو ٹیم میں لانے کامقصد ان کی بولنگ سے فائدہ لینا تھا،ان کی ٹاپ آرڈرمیں بیٹنگ اوراسپن بولنگ سے فائدہ اٹھانےکی کوشش کرینگے جبکہ دوسری طرف کامران اکمل ڈومیسٹک میں اچھاپرفارم کررہے ہیں،جو بھی کرکٹ کھیل رہا ہے اس کی واپسی کسی بھی وقت ہو سکتی ہے۔یاسرشاہ سے متعلق سوال کے جواب میں ان کا کہنا تھا کہ یاسرشاہ کاکم بیک ٹیم کے لئے اچھا ہوگا،وہ ون ڈے میں فائدے مند ہونگے۔سہ ملکی ٹی 20 سیریز سے متعلق سرفراز احمد کا کہنا تھا کہ ٹی 20 میں کوئی بھی ٹیم ہلکی نہیں ہوتی ہے اور آسٹریلیا جیسی ٹیم کے کھلاڑیوں کو معلوم ہوتا ہے کہ ٹی 20 کرکٹ کیسے کھیلنی ہے ،جبکہ ہمیں اس سے زیادہ فرق نہیں پڑتا ہے کہ آسٹریلیا کی ٹیم کے کھلاڑی نئے ہیں یا پرانے۔ان کا مزید کہنا تھا کہ ہماری تیاری بہت اچھی ہے اور کوشش کریں گے کہ اچھی کرکٹ کھیل کر سیریز جیتیں۔

مزید : قومی /کھیل