منی لانڈرنگ کیس،نیب نے حمزہ شہباز کو موصول ہونے والی رقوم کی تفصیلات عدالت میں جمع کرا دیں

منی لانڈرنگ کیس،نیب نے حمزہ شہباز کو موصول ہونے والی رقوم کی تفصیلات عدالت ...
منی لانڈرنگ کیس،نیب نے حمزہ شہباز کو موصول ہونے والی رقوم کی تفصیلات عدالت میں جمع کرا دیں

  


لاہور (ڈیلی پاکستان آن لائن) نیب نے منی لانڈررنگ کیس میں گرفتار اپوزیشن لیڈر پنجاب اسمبلی حمزہ شہباز اور ان کی فیملی کی کمپنیوں کے مزید 50 بینک اکاؤنٹس کی تفصیلات حاصل کرلی ہیں۔

نیب نے حمزہ شہباز کو بیرون ملک سے منتقل ہونے والی رقوم کی تفصیلات سے متعلق رپورٹ احتساب عدالت میں جمع کرا دی ہے۔ جس میں اپوزیشن حمزہ شہباز کے خلاف مزید انکشافات کئے گئے ہیں،نیب رپورٹ کے مطابق حمزہ شہباز کے بینک اکاونٹس میں کل 4 لاکھ 14ہزار 15 امریکی ڈالرز منتقل ہوئے، حمزہ شہباز کو 2005 میں یہ رقم ان کے پاکستان میں موجود 2 بینک اکاونٹس میں منتقل ہوئی،نیب دستاویزات میں کہاہے کہ 4جون 2005 کو حمزہ شہبازنے 83 ہزار 920 ڈالر بینک سے وصول کیے، 17جون 2005 کو حمزہ شہباز نے 99 ہزار 270 امریکی ڈالر وصول کیے جبکہ 10اگست 2005 کو حمزہ شہباز نے 65 ہزار 480 ڈالر وصول کیے،نیب دستاویزات میں کہا گیا ہے کہ 10اگست کو ایک اور ٹرانزیکشن کے ذریعے حمزہ شہباز نے 64 ہزار 980 ڈالر وصول کیے، نیب کا کہنا ہے کہ حمزہ شہباز5کمپنیوں میں 19کروڑ روپے سے زائد منتقل ہونے پر مطمئن نہ کرسکے۔

مزید : قومی /علاقائی /پنجاب /لاہور