ملتان میں جلوسوں کے روٹس پر ترقیاتی منصوبوں کے آغاز کا حکم دے دیا گیا

ملتان میں جلوسوں کے روٹس پر ترقیاتی منصوبوں کے آغاز کا حکم دے دیا گیا
ملتان میں جلوسوں کے روٹس پر ترقیاتی منصوبوں کے آغاز کا حکم دے دیا گیا

  

ملتان (ویب ڈیسک) ڈپٹی کمشنر طاہر وٹو نے کہا ہے کہ ضلعی انتظامیہ  کی جانب سے محرم الحرام کے سلسلہ میں انتظامات کا آغاز کردیا گیا ہے جبکہ جلوسوں کے روٹس پر ترقیاتی منصوبوں کے آغاز کا حکم بھی دے دیا گیا ہے۔ڈپٹی کمشنر نے کہا کہ یکم محرم الحرام سے قبل روٹس پر مکمل طور پر کلئیر کیا جائے گا 

ان خیالات کا اظہار انہوں نے گزشتہ روز محرم الحرام کے سلسلہ میں اجلاس کی صدارت کرتے ہوئے کیا۔اجلاس میں مرکزی تنظیم لائسنسداران جنوبی پنجاب کے رہنماء مزین چاون کی سربراہی میں وفد نے شرکت کی۔ایڈیشنل ڈپٹی کمشنر جنرل رضوان نذیر،ایس پی محمد حسن اور اسسٹنٹ کمشنرز نے بھی شرکت کی۔

ڈپٹی کمشنر طاہر وٹو نے کہا کہ ماتمی لائسنس داروں کے جائز مسائل ہر صورت حل کئے جائیں گے جبکہ روٹس اور مجالس پر سیکورٹی ریڈ الرٹ رکھی جائے گی۔طاہر وٹو نے بتایا کہ شہر اولیاء کے امن کو ہاتھ میں لینے والوں سے سختی سے نمٹیں گے۔ڈپٹی کمشنر نے   میپکو اور واسا حکام کو ہدایت کی کہ روٹس کی اپ گریڈیشن کیلئے جامع پلان تشکیل دیا جائے۔

مزید :

علاقائی -پنجاب -ملتان -