شاہ رخ اور رنبیر کپور اگلی فلم میں ایک بار پھر ساتھ کاسٹ

ممبئی (این این آئی ) بھارتی فلم نگری بالی ووڈ میں نئی افواہ گردش کرنے لگی ۔ کنگ خان شاہ رخ اور رنبیر کپور کرن جوہر کی اگلی فلم میں پھر ایک ساتھ نظر آئیں گے ۔ ممبئی ان دنوں پھر افواہوں کی زد میں ہے ، ہدایتکار کرن جوہر ، کنگ خان شاہ رخ اور رنبیر کپور ان کا محور ہیں ۔ فلم اے دل ہے مشکل کی کامیابی کے بعد کرن جوہر اپنی اگلی فلم میں بھی شاہ رخ اور رنبیر کو ایک ساتھ کاسٹ کرنے کا سوچ رہے ہیں ۔ کرن کے قریبی ذرائع نے بھانڈا تو پھوڑ دیا لیکن یہ نہیں بتایا کہ فلم کی کہانی کیا ہے اور کاسٹ میں دوسرے اداکار کون ہیں البتہ یہ ضرور بتایا ہے کہ سکرپٹ شاہ رخ اور رنبیر کو مدنظر رکھتے ہوئے لکھا جا رہا ہے ۔