شرجیل میمن اب حساب دیں ،مریم اورنگزیب

شرجیل میمن اب حساب دیں ،مریم اورنگزیب

اسلام آباد (مانیٹرنگ ڈیسک)وزیر مملکت برائے اطلاعات ونشریات مریم اورنگزیب نے کہا ہے کہ شرجیل میمن قوم کی لوٹی ہوئی دولت کاحساب دیں وہ اپنی چوری اورکرپشن چھپانے کیلئے شور مچا رہے ہیں چوہدری نثار پر پاکستانی قوم کا اعتماد ہے اس لئے وہ وزیر داخلہ ہیں۔ کرپٹ افراد چوہدری نثار سے خوفزدہ ہیں جبھی وہ ان کے خلاف گمراہ کن پروپیگنڈا کرتے ہیں۔ چودھری نثارکی دیانت اورکردار پرسوال اٹھانے سے پہلے گریبان میں جھانکیں۔اسلام آباد میں میڈیا سے گفتگو کرتے ہوئے وفاقی وزیر مملکت برائے اطلاعات مریم اورنگزیب کا کہنا تھا کہ شرجیل میمن لوگوں کی لوٹی ہوئی دولت کا جواب دیں وہ جتنا شورمچالیں، احتساب سے نہیں بچ سکتے، جواب تودیناہوگا۔ چودھری نثاروزیراعظم کے وڑن کے مطابق پاکستان کودہشت گردی سے پاک کررہے ہیں۔ وزیر مملکت کا مزید کہنا تھا کہ چودھری نثار پر پاکستانی قوم نے اعتماد کرکے وزیرداخلہ بنایا ہے۔ کرپشن کرنے والے چودھری نثار سے خوفزدہ ہیں، شرجیل میمن صاحب قوم کوجواب دیں چوری اورکرپشن کیوں کی؟۔

مزید : صفحہ اول