شاداب خان کی شاندار پرفارمنس، آئی سی سی، بھارتی میڈیا و کھلاڑی اور غیر ملکی کرکٹرز بھی تعریف کرنے پر مجبور ہو گئے، کس نے کیا کہا؟ جان کر آپ کا سر بھی فخر سے بلند ہو جائے گا

شاداب خان کی شاندار پرفارمنس، آئی سی سی، بھارتی میڈیا و کھلاڑی اور غیر ملکی ...
شاداب خان کی شاندار پرفارمنس، آئی سی سی، بھارتی میڈیا و کھلاڑی اور غیر ملکی کرکٹرز بھی تعریف کرنے پر مجبور ہو گئے، کس نے کیا کہا؟ جان کر آپ کا سر بھی فخر سے بلند ہو جائے گا

  

لاہور (ڈیلی پاکستان آن لائن) پاکستان کے نوجوان کھلاڑی نے اپنے پہلے ہی ٹی 20 میچ میں شاندار پرفارمنس سے جہاں پاکستانیوں کے دل جیت لئے ہیں وہیں بھارتی میڈیا اور

کھلاڑی بھی ان کی تعریف کرنے پر مجبور ہو گئے ہیں اور انہیں مستقبل کا بہترین باﺅلر قرار دیا ہے۔

سرفراز احمد نے ٹی 20 کپتان کی حیثیت سے ابتدائی پانچ میچ جیتنے کا مصباح الحق کا ریکارڈ برابر کر دیا

بھارتی خبر رساں ادارے ہندوستان ٹائمز نے لکھا کہ ”شاداب خان نے اپنے پہلے ہی میچ میں بہترین کارکردگی دکھاتے ہوئے پاکستان ٹیم کو 6 وکٹوں کی آسان فتح دلا دی۔“

ایک اور ادارے زی نیوز نے لکھا کہ ” شاداب خان نے شاندار کارکردگی دکھائی ج سکے باعث پاکستان نے پہلے ٹی 20 میچ میں باآسانی فتح حاصل کر لی۔“

این ڈی ٹی وی کا کہنا تھا کہ” شاداب خان کے گگلی اور لیگ بریک پر مشتمل مسحور کن باﺅلنگ سپیل نے انہیں 3 وکٹیں دلائیں اور وہ ٹی 20 کی تاریخ میں بہترین باﺅلنگ کروانے والے ڈیبیو کھلاڑی بن گئے ہیں۔“

بھارت کے سابق کرکٹر اور کمنٹیٹر ہرشا بھوگلے نے لکھا کہ ” آغاز برا نہیں، کیا برا ہے؟ نوجوان شاداب خان نے ٹی 20 میچ میں 4 اوورز کے دوران 7 رنز کے عوض 3 وکٹیں لیں۔“

انٹرنیشنل کرکٹ کونسل (آئی سی سی) بھی شاداب خان کی عمدہ کارکردگی کی معترف نظر آئی اور اپنے پیغام میں کہا کہ ''شاداب خان کیلئے کیرئیر کا کیا ہی بہترین آغاز ہوا ہے۔ 7 رنز کے عوض 3 وکٹوں کی عدہ پرفارمنس نے انہیں پہلے ٹی 20 میچ میں ہی مین آف دی میچ کا ایوارڈ دلوا دیا ہے۔''

اسی طرح پاکستان سپر لیگ (پی ایس ایل) میں شامل ہونے والے غیر ملکی کھلاڑیوں نے بھی شاداب خان کی کارکردگی کی تعریف کرتے ہوئے انہیں اپنے اپنے طریقے سے مبارکباد پیش کی۔

اسلام آباد یونائیٹڈ کے کوچ ڈین جونز نے لکھا کہ ”پروفیسر ڈین جونز اور اسلام آباد یونائیٹڈ شاداب خان کو پہلے ہی ٹی 20 میچ میں شاندار کارکردگی دکھانے پر مبارکباد پیش کرتی ہے۔“

اسلام آباد یونائیٹڈ کی ٹیم نے شاداب خان کو ”چھوٹو“ کا نام دیتے ہوئے انہیں مبارکباد کا پیغام بھیجا تو برطانوی کھلاڑی بین ڈوکیٹ نے بھی انہیں مبارکباد دی۔

مزید :

کھیل -