باکسرعامر خان کی زیر تعمیر عمارت عارضی ہسپتال کیلئے دینے کی پیشکش

باکسرعامر خان کی زیر تعمیر عمارت عارضی ہسپتال کیلئے دینے کی پیشکش

  



مانچسٹر(آئی این پی) پاکستانینژاد برطانوی باکسر عامر خان نے زیر تعمیر عمارت عارضی اسپتال کے لیے دینے کی پیشکش کردی۔تفصیلات کے مطابق کرونا وائرس کے پیش نظر پاکستانی نژاد برطانوی باکسر عامر خان نے این ایچ ایس اسپتال کو زیر تعمیر 4 منزلہ عمارت عارضی اسپتال کے لیے دینے کی پیشکش کردی۔باکسر عامر خان کا کہنا ہے کہ احساس ہے اسپتال میں اس وقت بیڈ ملنا مشکل ہے، این ایچ ایس زیر تعمیر عمارت کو مریضوں کے لیے استعمال کرسکتا ہے۔انہوں نے کہا کہ عمارت بولٹن میں تعمیر کے آخری مراحل میں ہے، واضح رہے کہ 4 منزلہ عمارت میں عامر خان شادی ہال اور شاپنگ مال بنارہے ہیں۔دوسری جانب لندن میں فوج کی مدد سے عارضی اسپتال بنانے کا کام شروع کردیا گیا ہے، عارضی اسپتال میں 4 ہزار مریضوں کی گنجائش ہوگی، اسپتال میں ابتدائی طور پر 500 وینٹی لیٹر لگائے جائیں گے۔

مزید : کھیل اور کھلاڑی