جب تک آپ کے دماغ سے یہ وائرس نہیں نکلے گا آپ۔۔۔مریم اورنگزیب نے وزیر اعظم عمران خان کو حیران کن پھبتی کس دی

جب تک آپ کے دماغ سے یہ وائرس نہیں نکلے گا آپ۔۔۔مریم اورنگزیب نے وزیر اعظم ...
جب تک آپ کے دماغ سے یہ وائرس نہیں نکلے گا آپ۔۔۔مریم اورنگزیب نے وزیر اعظم عمران خان کو حیران کن پھبتی کس دی

  

اسلام آباد(ڈیلی پاکستان آن لائن)پاکستان مسلم لیگ(ن)کی ترجمان مریم اورنگزیب نےکہاہے کہ عمران صاحب سرحدوں پرکورونا کی ٹیسٹنگ،سکریننگ کا بندو بست کر نہیں سکے اور سیاست پر زور ہے، وہ سرحدوں پر کورونا کی ٹیسٹنگ، سکریننگ کا بندوبست کر نہیں سکے اور سیاست پر زور ہے،عمران صاحب تفتان سرحد پر زائرین کے ساتھ جو بھیڑ بکریوں والا سلوک ہوا اس کا جواب دیں،عمران صاحب جب تک آپ کے دماغ سے سیاسی انتقام کا وائرس نہیں نکلے گا آپ کروانا وائرس کا مقابلہ کیسے کریں گے؟۔

نجی ٹی وی کے مطابق وزیراعظم عمران خان کی سینئر صحافیوں سے ہونے والی گفتگو  پر ردعمل کا اظہار کرتے ہوئے مریم اورنگزیب نے کہاکہ عمران صاحب سرحدوں پر کورونا کی ٹیسٹنگ، سکریننگ کا بندوبست کر نہیں سکے اور سیاست پر زور ہے،عمران صاحب تفتان سرحد پر زائرین کے ساتھ جو بھیڑ بکریوں والا سلوک ہوا اس کا جواب دیں،عمران صاحب اپنی بدترین ناکامیوں کا ملبہ نوازشریف اور شہبازشریف پر ڈالنے سے کام نہیں چلے گا۔ مریم اورنگزیب نے کہاکہ عمران صاحب نوازشریف اور شہبازشریف کے بنائے ہسپتالوں اور منصوبوں پر آپ اپنے نام کی تختیاں لگا رہے ہیں۔انہوں نے کہاکہ عمران صاحب نوازشریف، شہبازشریف کے ہر ڈسٹرکٹ اور شہر میں بنائے ہوئے ہسپتال آپ سے مینج نہیں ہو رہے،عمران صاحب جب تک آپ کے دماغ سے سیاسی انتقام کا وائرس نہیں نکلے گا آپ کروانا وائرس کا مقابلہ کیسے کریں گے؟قوم کورونا، کورونا کررہی ہے، آپ کا رونا ہی ختم نہیں ہورہا۔عمران صاحب بتائیں خیبرپختونخوا میں سات سال میں کتنے ہسپتال بنائے؟۔ مریم اورنگزیب نے کہاکہ نوازشریف اور شہباز شریف نے الحمداللہ بالخصوص پنجاب کے ہر ضلعے، شہر میں ہسپتال بنائے۔عمران صاحب پارلیمانی میٹنگ سے اس دن نہ بھاگتے اور پوچھ لیتے کہ کتنے ہسپتال بنائے، جواب مل جاتا۔ انہوں نے کہاکہ عمران صاحب یہ قوم کی جان بچانے کا وقت ہے، سیاست کا نہیں۔عمران صاحب حالات کی سنگینی، شدت اور سنجیدگی کو سمجھیں، عوام جس مشکل میں ہے اس کو سمجھیں، سیاست بعد میں کریں

مزید :

قومی -